قازاقستان پرەزيدەنتى قاسىم-جومارت توقايەۆ بۇگىننەن باستاپ ەڭبەك دەمالىسىنا شىقتى، دەپ حابارلايدى Dalanews.kz.
اقوردا مەملەكەت باسشىسىنىڭ ەڭبەك دەمالىسى 2024 جىلدىڭ 23 شىلدەسىندە باستالعانىن حابارلادى.
"مەملەكەت باسشىسى قاسىم-جومارت توقايەۆ 23-26 شىلدە ارالىعىندا قىسقا مەرزىمدى ەڭبەك دەمالىسىنا شىعادى"، - دەپ جازىلعان حابارلامادا.
ەسكە سالايىق، بۇعان دەيىن ەلىمىزدە ەكى پالاتا دەپۋتتارى كانيكۋلعا شىققانىن حابارلاعان ەدىك.
بۇل تۋرالى ءماجىلىس ءتوراعاسى ەرلان قوشانوۆ ءمالىم ەتتى. سوزىنشە، ەكىنشى سەسسيادا ەكى پالاتانىڭ قاراۋىندا 179 زاڭ جوباسى بولدى.
"سەسسيا بارىسىندا دەپۋتاتتار ءبىرقاتار ماڭىزدى زاڭ جوباسى بويىنشا ۇكىمەتپەن بىرلەسە جۇمىس ىستەدى. ءبىز باستى قارجى قۇجاتىن – رەسپۋبليكالىق بيۋدجەتتى قابىلدادىق.
سونىمەن قاتار ءبىز مۇلدە جاڭا سيفرلىق كودەكستى كۇتىپ وتىرمىز. الدىمىزدا سىبايلاس جەمقورلىققا قارسى ىس-ارەكەت، ەسىرتكىمەن كۇرەس، ءدىن، سوت جۇيەسىندەگى رەفورمالار جانە باسقا دا ماسەلەلەرگە قاتىستى زاڭ جوبالارى بويىنشا اۋقىمدى جۇمىس كۇتىپ تۇر. پارلامەنت، ۇكىمەت جانە ساراپشىلار قوعامداستىعى ۇيلەسىمدى ءارى جان-جاقتى جۇمىس ىستەۋى قاجەت"، - دەدى قوشانوۆ.
