Qazaqstan Prezidenti Qasym-Jomart Toqaev búginnen bastap eńbek demalysyna shyqty, dep habarlaidy Dalanews.kz.
Aqorda Memleket basshysynyń eńbek demalysy 2024 jyldyń 23 shildesinde bastalǵanyn habarlady.
"Memleket basshysy Qasym-Jomart Toqaev 23-26 shilde aralyǵynda qysqa merzimdi eńbek demalysyna shyǵady", - dep jazylǵan habarlamada.
Eske salaiyq, buǵan deiin elimizde eki palata depýttary kanikýlǵa shyqqanyn habarlaǵan edik.
Bul týraly májilis tóraǵasy Erlan Qoshanov málim etti. Sózinshe, ekinshi sessiiada eki palatanyń qaraýynda 179 zań jobasy boldy.
"Sessiia barysynda depýtattar birqatar mańyzdy zań jobasy boiynsha Úkimetpen birlese jumys istedi. Biz basty qarjy qujatyn – respýblikalyq biýdjetti qabyldadyq.
Sonymen qatar biz múlde jańa Tsifrlyq kodeksti kútip otyrmyz. Aldymyzda sybailas jemqorlyqqa qarsy is-áreket, esirtkimen kúres, din, sot júiesindegi reformalar jáne basqa da máselelerge qatysty zań jobalary boiynsha aýqymdy jumys kútip tur. Parlament, Úkimet jáne sarapshylar qoǵamdastyǵy úilesimdi ári jan-jaqty jumys isteýi qajet", - dedi Qoshanov.
