بۇل تۋرالى اقوردا حابارلادى.
"رۋسلان سۇلتان ۇلى جەلدىباي قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ورىنباسارى – پرەزيدەنتتىڭ باسپا ءسوز حاتشىسى بولىپ تاعايىندالسىن، ول بۇرىنعى اتقارعان لاۋازىمىنان بوساتىلسىن"، - دەپ جازىلعان رەسمي حابارلامادا.
ايتا كەتەيىك، رۋسلان جەلدىباي 1989 جىلى جامبىل وبلىسىندا تۋعان. تۇرار رىسقۇلوۆ اتىنداعى قازاق ەكونوميكالىق ۋنيۆەرسيتەتىن، ۋوريك ۋنيۆەرسيتەتىن بىتىرگەن.
ەڭبەك جولىن 2012 جىلى "قازاقستان" تەلەارناسىندا رەداكتور بولىپ باستاعان.
2012-2018 جىلدارى "الماتى" تەلەارناسىندا ءبولىم باسشىسى، پروديۋسەر بولعان.
2018-2019 جىلدارى اقپارات جانە كوممۋنيكاسيالار كوميتەتىنىڭ ينتەرنەت كەڭىستىگىندەگى جانە الەۋمەتتىك جەلىلەردەگى اقپاراتتىق جۇمىس جونىندەگى باسقارما باسشىسىنىڭ مىندەتىن اتقارۋشى، باسشىسى لاۋازىمىن اتقارعان.
2019-2020 جىلدارى اقپارات جانە قوعامدىق دامۋ مينيسترلىگىنىڭ اقپارات كوميتەتى ءتوراعاسىنىڭ ورىنباسارى بولىپ قىزمەت ەتكەن.
2020-2022 جىلدارى پرەزيدەنت اكىمشىلىگىنىڭ ىشكى ساياسات ءبولىمى مەڭگەرۋشىسىنىڭ ورىنباسارى بولدى.
2022 جىلعى اقپاننان ساۋىرگە دەيىن پرەمەر-مينيستر كەڭسەسى باسشىسىنىڭ ورىنباسارى لاۋازىمىن اتقاردى. 2022 جىلعى 14 ساۋىردە پرەزيدەنتتىڭ باسپا ءسوز حاتشىسى قىزمەتىنە تاعايىندالدى.
