"ەبليازوۆتىڭ ايتاعىمەن الاڭعا شىققان بويكوتشىلار مەنٸڭ مەيلٸنشە مول داۋىس جيناۋىما كەرٸ ەسەر ەتتٸ" دەپ ەسەپتەيدٸ قوسانوۆ.
ونىڭ ٷستٸنە بٸر كەزدەگٸ وپپوزيتسييا ساپىنداعى ٷزەڭگٸ-جولداستار دا وسى سايلاۋدا كٷرت قۇبىلىپ قوسانوۆقا قارسى جۇمىس ٸستەگەن.
"مەن بيلٸككە جەتە المادىم, ويلاعانىم ورىندالعان جوق, تاق ماعان تيەسٸلٸ بولۋعا تيٸس ەدٸ" دەپ ەلدٸ دٷرلٸكتٸرٸپ, ەرتەڭ حالىق كٶشەگە شىعىپ, پوليتسييا ولاردى ۇرىپ سوعىپ, جازىقسىز جۇرتتىڭ قانى تٶگٸلگەننەن گٶرٸ وسىنداي ازاماتتىق شەشٸم قابىلدايىن دەگەن ۇيعارىمعا كەلدٸم.
بويكوتشىلاردىڭ جٶنٸ بٸر بٶلەك. ولاردى العان بەتٸنەن قايتارا المايسىڭ.
ال بٸراق ماعان داۋىس بەرگەن بۇقارانىڭ كٶزٸ شىعىپ, باسى جارىلىپ, پوليتسييانىڭ پەۋەسكەسٸنە تيەلٸپ كەتكەنٸن قالاعام جوق.
بۇدان بۇرىن دا "بٸز قۇقىقتىق جولمەن جٷرەمٸز" دەپ ەلدەنەشە رەت ايتقانمىن.
يە, مەن سونداي شەشٸم قابىلدادىم. مۇنىڭ ارجاعىندا بٸر ٷلكەن فاكتور بار.
كەزٸندە راديكالدى وپپوزيتسييانىڭ قۇرامىندا بولعان قازاقپىن. بيلٸك رۇقسات بەرمەسە, جۇرتتى الاڭعا الىپ شىققان قازاقپىز بٸز.
2011 جىلعى قاندى قىرعىندا جاڭاٶزەنگە باردىق. قالاعا كٸرگٸزگەن جوق. جەتٸبايدان قايتاردى. اقتاۋعا كەلدٸك. اۋرۋحاناداعى جاراقات العان ازاماتتاردىڭ كٶڭٸلٸن سۇرادىق. سول كەزگٸ سەت ەلٸگە دەيٸن كٶز الدىمدا.
جاراقات العان جاپ-جاس جٸگٸتتٸ اياعىنان اتىپتى. سۇحباتتاسىپ وتىرعاندا بىلاي دەدٸ:
"اعا, انام باسىن كٶتەرە الماي سىرقاتتانىپ جاتقان. "بالام, الاڭ جاق ازان-قازان بولىپ كەتتٸ, دەرٸگە بارماي-اق قوي" دەگەنٸنە قاراماي دەرٸحاناعا جٷگٸرە جٶنەلگەن ەدٸم. دەرٸمدٸ الىپ كەرٸ قايتقان كەزدە اياعىمنان اتتى...
اعا, بيلٸكتەن دەمەسٸ بارلار تالاسا بەرسٸن. شارۋام دا, شاتاعىم دا جوق. ال بٸراق مەنٸڭ نە جازىعىم بار? ەلگٸ قاڭعىعان وق اياققا ەمەس, كەۋدەمە تۇسىما تيسە ارتىمداعى انام اڭىراپ قالار ەدٸ عوي...".
سول كەز, سول سەت مەنٸڭ بۇل بيلٸكتٸ ٶزگەرتۋگە قاتىستى ۇستىنىمدى كٷرت ٶزگەرتتٸ. سول كەز, سول سەتتەن باستاپ بۇل جٷيەمەن قۇقىقتىق جولمەن كٷرەسۋگە كٶشتٸم...", – دەيدٸ ەمٸرجان قوسانوۆ.
دايىنداعان, دۋمان بىقاي
ۆيدەوسۇحباتتىڭ تولىق نۇسقاسىن وسى ارادان كٶرە الاسىز:
https://youtu.be/oIOI0XWD740
