قاراعاندى وبلىسىنىڭ ەكٸمٸ ەرماعانبەت بٶلەكباەۆ ساران قالاسىنداعى جىلۋ بەرۋ مەسەلەسٸنە قاتىستى پٸكٸر بٸلدٸردٸ, - دەپ حابارلايدى Dalanews.kz Ulysmedia.kz-كە سٸلتەپ.
سكك-دە ٶتكەن بريفينگتە Ulysmedia تٸلشٸسٸ ەكٸمنەن ٷكٸمەتتە جاز مەزگٸلٸنەن باستاپ جىلىتۋ ماۋسىمىنا دايىندىق تۋرالى ايتىلىپ كەلە جاتقانىن اتاپ ٶتٸپ, قالادا مۇنداي تٶتەنشە جاعداي قالاي بولعانىن تٷسٸندٸرۋٸن سۇرادى.
ەكٸمنٸڭ ايتۋىنشا, بۇعان دەيٸن سارانداعى قازاندىقتى "سۋىق رەجيمدە" تەكسەرۋ مٷمكٸن بولماعان.
«مەن سٸزدەرگە تەحنيكالىق تٸلمەن تٷسٸندٸرٸپ كٶرەيٸن. قازاندىق سالىنعان, ول تۇر. قۇرىلىس اياقتالعان كەزدە سۋىق رەجيمدە تەكسەرۋ جٷرگٸزٸلەدٸ. بۇل كەزدە قازاندىق جانبايدى, سۋىق رەجيمدە تەكسەرٸلەدٸ.
تەكسەرۋ كەزٸندە بەرٸ دۇرىس بولىپ كٶرٸندٸ. ودان كەيٸن ونى ٸسكە قوسادى. جازدا قوسۋ قاجەت ەمەس, ٶيتكەنٸ جازدا جىلۋ قاجەت ەمەس. سوندىقتان ونى قازان ايىندا ٸسكە قوستى», – دەدٸ ەكٸم.
سونداي-اق ول سارانداعى قازاندىقتا سورعىعا بايلانىستى مەسەلە تۋعانىن, ال جەرگٸلٸكتٸ ەكٸم جەس باقىلاۋدا دەپ ەسەپ بەرگەنٸن جەتكٸزدٸ.
«مەن قازٸر عانا مەسەلە سورعىلىق جابدىققا قاتىستى بولعانىن ايتتىم. مەسەلە قازاندىقتاردا ەمەس, سورعىلاردا بولدى. بٸز مەسەلەنٸ انىقتاعانشا, اقاۋ بولىپ ٷلگەردٸ. سول سەبەپتٸ جەرگٸلٸكتٸ قازاندىقتارعا اۋىستىردىق. قازٸر بٸزدە جەرگٸلٸكتٸ جەنە ورتالىق قازاندىقتار جۇمىس ٸستەپ تۇر.
قالانىڭ بۇرىنعى ەكٸمٸ وسى جاعداي ٷشٸن تٸكەلەي جاۋاپتى. جيىنداردا جەنە كەڭەستەردە بەرٸ دۇرىس, بارلىعى جۇمىس ٸستەپ تۇر دەپ ٷنەمٸ ەسەپ بەرٸلگەن بولاتىن», – دەدٸ بٶلەكباەۆ.
ەسكە سالايىق,1 قاراشادا پرەزيدەنت قاسىم-جومارت توقاەۆ قاراعاندى وبلىسىنىڭ ەكٸمٸ ەرماعانبەت بٶلەكباەۆقا قاتاڭ سٶگٸس بەردٸ.
بۇل تۋرالى پرەزيدەنتتٸڭ كەڭەسشٸسٸ – پرەزيدەنتتٸڭ باسپاسٶز حاتشىسى بەرٸك ۋەلي حابارلادى.
"مەملەكەت باسشىسى قاسىم-جومارت توقاەۆ جىلىتۋ ماۋسىمىنا دايىندىق جۇمىستارىنا تيٸسٸنشە باقىلاۋ جاساماعانى ٷشٸن قاراعاندى وبلىسىنىڭ ەكٸمٸ ەرماعانبەت بٶلەكباەۆقا سٶگٸس بەردٸ", - دەدٸ بەرٸك ۋەلي.
ايتا كەتەيٸك, ەرماعانبەت بٶلەكباەۆ قاراعاندى وبلىسىن 2022 جىلعى 8 جەلتوقساننان باستاپ باسقارىپ كەلە جاتىر. ول وبلىستى باسقارعانعا دەيٸن قاراعاندى قالاسىنىڭ ەكٸمٸ بولعان.
ەسكە سالايىق,پرەمەر ولجاس بەكتەنوۆ قازاننىڭ ورتاسىندا سارانداعى پەتەرلەردٸڭ جىلىتۋ ماۋسىمىنا دايىن ەمەستٸگٸنە كٶڭٸلٸ تولماي, بۇل جاعداي ٷشٸن جاۋاپتى تۇلعالاردى جاۋاپكەرشٸلٸككە تارتۋعا پەرمەن بەرگەن ەدٸ.
بۇل ونىڭ جەرگٸلٸكتٸ اتقارۋشى بيلٸككە باعىتتالعان ەلەۋلٸ جەنە قاتقىل ەسكەرتۋٸ ەدٸ. بەكتەنوۆتٸڭ ايتۋىنشا, بۇل مەسەلە قالا ەكٸمٸ مەن وبلىس باسشىلىعىنىڭ باقىلاۋىنىڭ ناشارلىعىنان تۋىنداعان.
جىلىتۋ ماۋسىمىنا دايىندىق تۋرالى جالعان مەلٸمەت بەرگەن ەربٸر جاۋاپتى ادام تەكسەرٸلٸپ, زاڭ جٷزٸندە جاۋاپكەرشٸلٸككە تارتىلاتىنى الدىن الا ايتىلعان بولاتىن. دەل وسى جاعداي جەرگٸلٸكتٸ ەكٸمدەر ٷشٸن جەكە جاۋاپكەرشٸلٸكتٸڭ قاجەتتٸلٸگٸن ايقىنداپ وتىر.
كەيٸن, 28 قازاندا, ساران ەكٸمٸنە قاتاڭ ەسكەرتۋ جارييالانعان كەزدە, كٶپشٸلٸك باۋلىقوۆتىڭ تەك سٶگٸسپەن قۇتىلادى دەپ پايىمداعان ەدٸ.
الايدا, ٷكٸمەت باسشىسىنا بۇل جازا جەتكٸلٸكسٸز بولىپ كٶرٸندٸ.
وسىلايشا 30 قازاندا ساران ەكٸمٸ ەركٸن باۋلىقوۆ جىلۋ بەرۋ ماۋسىمىنىڭ باستالۋىندا جٸبەرگەن ولقىلىقتارى ٷشٸن قىزمەتٸنەن بوساتىلعان ەدٸ. قازان ايىنىڭ ورتاسىندا قۇرىلىسى 10 جىلعا سوزىلىپ, بيىل سالىنىپ بٸتكەن جاڭا ورتالىق قازاندىقتاعى اقاۋلارعا بايلانىستى سارانداعى 168 ٷي جىلۋسىز قالعان بولاتىن.
"قاراعاندى وبلىسى ەكٸمٸنٸڭ ٶكٸمٸمەن ساران قالاسىنىڭ ەكٸمٸ ەركٸن باۋلىقوۆ قالادا جىلۋ بەرۋ ماۋسىمىنىڭ باستالۋىندا ولقىلىق جٸبەرگەنٸ ٷشٸن اتقاراتىن قىزمەتٸنەن بوساتىلدى", - دەپ حابارلادى قاراعاندى وبلىسىنىڭ ەكٸمدٸگٸ.
ول بۇل قىزمەتتٸ بٸر جىلدان استام عانا ۋاقىت اتقاردى.
ەندٸ قالا باسشىسى مٸندەتٸن ۋاقىتشا وسىعان دەيٸن ساران ەكٸمٸنٸڭ ورىنباسارى بولعان ماقسات قايرەشوۆ اتقاراتىن بولدى.
ساران تۇرعىندارىنىڭ جىلۋسىز قالۋىنا قاتىستى پرەمەر-مينيستردٸڭ بٸرٸنشٸ ورىنباسارى رومان سكليار دا پٸكٸر بٸلدٸرگەن ەدٸ. ونىڭ سٶزٸنشە, ساران قالاسىنىڭ ەكٸمدٸگٸ جاڭا قازاندىقتى ٸسكە قوسۋ كەزٸندە اپات بولعان جاعدايدا رەزەرۆتٸك قۋاتتاردى قاراستىرماعان.
"ەكٸمدٸكتٸڭ كٸنەسٸ ولاردىڭ قوسالقى قازاندىقتى ەزٸرلەمەگەنٸندە. رەسپۋبليكالىق بيۋدجەتتەن 9 ملرد تەڭگە بٶلٸنگەن, جاڭا قازاندىقتى تامىز ايىندا سىناپ كٶرٸپ, ول جۇمىس ٸستەپ كەتەدٸ دەپ سەنٸپ قالعان. الايدا رەزەرۆتٸ ساقتاپ وتىرۋ كەرەك ەدٸ. ەرينە, مۇندايعا جول بەرۋگە بولمايدى", - دەدٸ سكليار.
