بەلگٸلٸ رەسەيلٸك ساياساتتانۋشى اركاديي دۋبنوۆ قازاقستان پرەزيدەنتٸ قاسىم-جومارت توقاەۆتىڭ ۋكراينا تەۋەلسٸزدٸك كٷنٸنە بايلانىستى جولداعان قۇتتىقتاۋىنا پٸكٸر بٸلدٸردٸ, دەپ حابارلايدى Dalanews.kz.
ساياساتتانۋشىنىڭ ايتۋىنشا, مۇنداي قادام ايرىقشا باتىلدىقتىڭ بەلگٸسٸ. ٶيتكەنٸ تمد-داعى مەملەكەت باسشىلارىنىڭ كٶبٸ كيەۆتٸ جەكە قۇتتىقتاۋدان تارتىنىپ, تەك «ۋكراين حالقىنا» دەگەن رەسمي جولداۋلارمەن شەكتەلگەن.
"تەك ەكٸ ليدەر – ارمەنييا پرەمەر-مينيسترٸ نيكول پاشينيان مەن قازاقستان پرەزيدەنتٸ قاسىم-جومارت توقاەۆ ۋكراينا پرەزيدەنتٸ ۆلاديمير زەلەنسكييدٸ جەكە قۇتتىقتاۋعا شەشٸم قابىلدادى", – دەدٸ دۋبنوۆ.
ساراپشى 1991 جىلعى وقيعالاردى ەسكە تٷسٸردٸ. ونىڭ ايتۋىنشا, 24 تامىز كٷنٸ, گكچپ تٶڭكەرٸسٸ سەتسٸز اياقتالعاننان كەيٸن, كيەۆتە ۋكراين كسر جوعارعى كەڭەسٸنٸڭ كەزەكتەن تىس سەسسيياسى ٶتٸپ, ۋكراينا تەۋەلسٸزدٸگٸ تۋرالى اكت قابىلداندى.
"دەباتتار ۇزاققا سوزىلدى, بٸراق قۇجاتتاعى تۇجىرىم ەرەكشە بولدى: "مەملەكەتتٸك تٶڭكەرٸس سالدارىنان ۋكرايناعا تٶنگەن ٶلٸم قاتەرٸ". بۇل فورمۋليروۆكانى ديسسيدەنت لەۆكو لۋكيانەنكو ۇسىندى", – دەپ ەسكە الدى دۋبنوۆ.
لۋكيانەنكو كەزٸندە كەڭەس سوتىمەن اتۋ جازاسىنا كەسٸلٸپ, كەيٸن 15 جىل لاگەردە وتىرعان. ونىڭ ۇسىنىسى تاريحي تۇرعىدا كسرو-مەن تٷبەگەيلٸ اجىراسۋدى بەكٸتتٸ. ال 1991 جىلعى 1 جەلتوقساندا ٶتكەن رەفەرەندۋمدا ۋكرايندەردٸڭ 90%-ى تەۋەلسٸزدٸكتٸ قولداپ, بۇل بەلوۆەج كەلٸسٸمدەرٸنە تٸكەلەي جول اشتى.
دۋبنوۆ توقاەۆتىڭ قۇتتىقتاۋىن ديپلوماتييالىق تۇرعىدان دا ماڭىزدى دەپ باعالادى. ول اتاپ ٶتكەندەي, قۇتتىقتاۋدىڭ الدىندا توقاەۆ پەن فرانتسييا پرەزيدەنتٸ ەممانيۋەل ماكرون اراسىندا تەلەفون ارقىلى سٶيلەسۋ ٶتكەن. ەڭگٸمەدە ۋكرايناداعى سوعىس تا قوزعالعانىمەن, اقوردانىڭ رەسمي حابارلاماسىندا بۇل تاقىرىپ كٶرسەتٸلمەگەن.
"پرەزيدەنت توقاەۆ تاعى دا سوعىسىپ جاتقان تاراپتاردىڭ ەشقايسىسىنا بٸرجاقتى بەت بۇرمايتىنىن دەلەلدەدٸ. ول ۋكراينا پرەزيدەنتٸن جەكە قۇتتىقتاپ, ٶزٸنٸڭ ديپلوماتييالىق ۇستانىمىن كٶرسەتتٸ. مەن مۇنى قولدايمىن", – دەپ تٷيٸندەدٸ ساياساتتانۋشى.
ايتا كەتەيٸك, 24 تامىزدا قاسىم-جومارت توقاەۆ ۆلاديمير زەلەنسكييگە ۋكراينا حالقىن تەۋەلسٸزدٸك كٷنٸمەن قۇتتىقتاپ, رەسمي تەلەگرامما جولدادى.
