پرەزيدەنت قاسىم-جومارت توقاەۆ قازاقستاننىڭ حالىق جازۋشىسى ۆالەريي ميحايلوۆتى ٸ دەرەجەلٸ «بارىس» وردەنٸمەن ماراپاتتاۋ تۋرالى جارلىققا قول قويدى. اقوردا مەلٸمەتٸنشە, جازۋشى بۇل جوعارى ناگراداعا وتاندىق ەدەبيەتتٸڭ دامۋىنا قوسقان ايرىقشا ٷلەسٸ ٷشٸن يە بولدى, دەپ حابارلايدى dalanews.kz.
سونىمەن قاتار مەملەكەت باسشىسى ۆالەريي ميحايلوۆقا قۇتتىقتاۋ جەدەلحاتىن جولداپ, ونى 80 جىلدىق مەرەيتويىمەن قۇتتىقتادى.
پرەزيدەنت جازۋشىنىڭ ۇزاق جىلدار بويى ەلٸمٸزدٸڭ بەدەلدٸ باسىلىمدارىندا ەڭبەك ەتكەنٸن, «كازاحستانسكايا پراۆدا» گازەتٸ مەن «پروستور» جۋرنالىن باسقارعانىن اتاپ ٶتتٸ.
«تابيعي تالانتىڭىز بەن ەڭبەكقورلىعىڭىزدىڭ ارقاسىندا شىعارماشىلىق جولىڭىزدا ەرەن تابىسقا قول جەتكٸزدٸڭٸز. ۇزاق جىلدار بويى ەلٸمٸزدٸڭ بەدەلدٸ باسىلىمدارىندا جەمٸستٸ ەڭبەك ەتٸپ, “كازاحستانسكايا پراۆدا” گازەتٸ مەن “پروستور” جۋرنالىن باسقاردىڭىز», – دەلٸنگەن قۇتتىقتاۋ جەدەلحاتىندا.
قاسىم-جومارت توقاەۆ ۆالەريي ميحايلوۆتىڭ بٸرنەشە بۋىن وقىرمانعا جاقسى تانىس شىعارمالارى قازاقستان ەدەبيەتٸنٸڭ ماڭىزدى بٶلٸگٸنە اينالعانىن دا اتاپ ٶتكەن.
ۆالەريي ميحايلوۆ 1946 جىلى 7 قىركٷيەكتە قاراعاندى قالاسىندا دٷنيەگە كەلگەن. ول قازاق پوليتەحنيكالىق ينستيتۋتىنىڭ گەوفيزيكا فاكۋلتەتٸن تەمامداپ, كەيٸن رەسپۋبليكالىق باسىلىمداردا ەڭبەك ەتكەن. 1997 جىلدان «كازاحستانسكايا پراۆدا» گازەتٸنٸڭ باس رەداكتورى قىزمەتٸن اتقارسا, 2003 جىلدان «پروستور» جۋرنالىنا جەتەكشٸلٸك ەتكەن. سونداي-اق قازاقستان جازۋشىلار وداعى باسقارماسىنىڭ حاتشىسى بولعان.
جازۋشى قازاق قالامگەرلەرٸنٸڭ بٸرقاتار شىعارماسىن ورىس تٸلٸنە اۋدارعان. ونىڭ «حرونيكا ۆەليكوگو دجۋتا» دەرەكتٸ پوۆەسٸ مەن بٸرنەشە ٶلەڭدەر جيناعى جارىق كٶرگەن. ۆالەريي ميحايلوۆ – حالىقارالىق «الاش» ەدەبي سىيلىعىنىڭ لاۋرەاتى, بۇعان دەيٸن «پاراسات» وردەنٸمەن جەنە مەدالدارمەن ماراپاتتالعان.
