مەملەكەت باسشىسى كورنەكتى جازۋشى، دراماتۋرگ دۋلات يسابەكوۆتىڭ وتباسى مەن جاقىن تۋىستارىنا كوڭىل ايتۋ جەدەلحاتىن جولدادى، دەپ حابارلايدى Dalanews.kz.
پرەزيدەنت قاسىم-جومارت توقايەۆ كورنەكتى جازۋشى، دراماتۋرگ، قازاقستاننىڭ ەڭبەك ەرى، مەملەكەتتىك سىيلىقتىڭ يەگەرى دۋلات يسابەكوۆتىڭ دۇنيەدەن وتۋىنە بايلانىستى ونىڭ وتباسى مەن جاقىن تۋىستارىنىڭ قايعىسىنا ورتاقتاسىپ، كوڭىل ايتتى.
– دۋلات يسابەك ۇلى ۇلاعاتتى عۇمىرىن ۇلت ادەبيەتىنە ارناعان، تاعىلىمدى تۋىندىلارىمەن وقىرمان ساناسىنا شامشىراق بولا بىلگەن ناعىز دەگدار تۇلعا ەدى.
حالقىمىزدىڭ رۋحاني الەمىن بايىتۋدا، ۇلتتىق پروزامىزدىڭ كوكجيەگىن كەڭەيتۋدە ايانباي تەر توگىپ، ونەگەلى ءومىر ءسۇردى. قۋاتتى قالامىنان تۋعان سۇبەلى شىعارمالارى، درامالىق ەڭبەكتەرى الەم ساحنالارىن باعىندىرىپ، دۇنيە جۇزىنە كيەلى ءسوز ونەرىمىزدى دارىپتەدى.
سوڭىنا ادەبي مول مۇرا قالدىرعان دۋلات يسابەك ۇلىنىڭ جارقىن بەينەسى مەن ارداقتى ەسىمى حالقىمىزدىڭ جۇرەگىندە ماڭگى ساقتالادى. مارقۇمنىڭ يمانى سالامات، جانى ءجانناتتا بولسىن، – دەلىنگەن جەدەلحاتتا.
