توقاەۆ: "شەرۋگە شىققان جاستاردىڭ ٶمٸردەن ٶز ورنىن تابۋى ٷشٸن بار كٷش-جٸگەرٸمدٸ جۇمسايمىن"
قازاقستان پرەزيدەنتٸ ەلدە ساياسي ٶزگەرٸسكە قالاي قول جەتكٸزۋگە بولاتىنىن ەۋرووداق مٷشەلەرٸمەن كەڭەسكەنٸن مەلٸم ەتتٸ. مەملەكەت باسشىسىنىڭ ايتۋىنشا, قوعام قاۋٸپسٸزدٸگٸنە «شىعىن كەلتٸرمەگەن» شەرۋ قاتىسۋشىلارى مەرزٸمٸنەن بۇرىن بوساتىلادى.
ول ميتينگٸگە شىققان جاستاردىڭ قازاقستاندىق قوعامدا ٶز ورنىن تابۋىن الداعى ماقساتى رەتٸندە قويعانىن ايتتى.
– ساياسي ماقساتىم – جاستاردى بيلٸككە تارتۋ, مەملەكەتتٸك ماڭىزدى مەسەلەلەردٸ شەشۋگە كٶمەكتەسۋ. شەرۋ جاساعان قوزعالىستاردىڭ ٶكٸلدەرٸن كەلٸسسٶز جٷرگٸزۋگە دٶڭگەلەك ٷستەلگە شاقىرامىز, مەسەلەلەر كٶشەدە تەرتٸپسٸزدٸك پەن الاساپىران اتموسفەرادا ەمەس, وسىلاي شەشٸلەدٸ, – دەدٸ قازاقستان پرەزيدەنتٸ.
سونداي-اق قاسىم-جومارت توقاەۆ قازاقستاندا رۇقسات بەرٸلگەن ميتينگٸلەرگە شىعۋعا مٷمكٸندٸك جاسايتىن زاڭ قابىلداناتىنىن ايتتى.
– ەرينە, زاڭسىز بولعاننىڭ بەرٸ توقتاتىلادى. باس پروكۋراتۋرا كٶشەدەگٸ وسىنداي ميتينگٸلەردٸڭ زاڭسىز ەكەنٸن بٸرنەشە رەت ەسكەرتتٸ, سەبەبٸ ولار وعان قاتىسقىسى كەلمەيتٸن حالىققا كەدەرگٸ جاسايدى. سوندىقتان, جاڭا زاڭ قابىلدانادى, ەندٸ دەمونستراتسيياعا شىعىپ, ٶز پٸكٸرٸن بٸلدٸرگٸسٸ كەلگەن حالىق تيٸستٸ ورگانعا جٷگٸنەدٸ, ولارعا ٶز پٸكٸرٸن بٸلدٸرۋ ٷشٸن ارنايى جەر بەرٸلەدٸ, – دەدٸ پرەزيدەنت.
سونىمەن قاتار, توقاەۆ ەقىۇ-نىڭ سوڭعى پرەزيدەنتتٸك سايلاۋ جايلى بايانداماسىندا ايتىلعان سىنعا قاتىستى پٸكٸرٸن بٸلدٸردٸ:
– اشىق سايلاۋ ٶتكٸزۋ ٷشٸن بارلىق جاعداي جاسالدى. كەي ۋچاسكەلەردە زاڭبۇزۋشىلىقتار بولۋى مٷمكٸن. ەرينە, تولىققاندى ساراپتاما جاسايمىز, ەگەر زاڭ بۇزىلعانى انىقتالسا, قاجەتتٸ شارالار قولدانىلادى, – دەدٸ.
ايتا كەتەيٸك, 9-12 ماۋسىم اراسىندا ەلٸمٸزدە رۇقسات ەتٸلمەگەن ميتينگٸلەر ٶتكەن بولاتىن. زاڭسىز اكتسيياعا قاتىسىپ, پوليتسييا قىزمەتكەرلەرٸنٸڭ زاڭدى تالاپتارىنا باعىنباعانى ٷشٸن 957 ادامدى سوت ەكٸمشٸلٸك جاۋاپتىلىققا تارتتى, ونىڭ ٸشٸندە قاماۋعا الىنعانى – 670, ايىپپۇلعا – 115 جەنە 172 ادامعا ەسكەرتۋ جاسالدى.
دەرەككٶز: Tengrinews.kz.
