Toqaev: "Sherýge shyqqan jastardyń ómirden óz ornyn tabýy úshin bar kúsh-jigerimdi jumsaimyn"
Qazaqstan Prezidenti elde saiasi ózgeriske qalai qol jetkizýge bolatynyn Eýroodaq múshelerimen keńeskenin málim etti. Memleket basshysynyń aitýynsha, qoǵam qaýipsizdigine «shyǵyn keltirmegen» sherý qatysýshylary merziminen buryn bosatylady.
Ol mitingige shyqqan jastardyń qazaqstandyq qoǵamda óz ornyn tabýyn aldaǵy maqsaty retinde qoiǵanyn aitty.
– Saiasi maqsatym – jastardy bilikke tartý, memlekettik mańyzdy máselelerdi sheshýge kómektesý. Sherý jasaǵan qozǵalystardyń ókilderin kelissóz júrgizýge dóńgelek ústelge shaqyramyz, máseleler kóshede tártipsizdik pen alasapyran atmosferada emes, osylai sheshiledi, – dedi Qazaqstan Prezidenti.
Sondai-aq Qasym-Jomart Toqaev Qazaqstanda ruqsat berilgen mitingilerge shyǵýǵa múmkindik jasaityn zań qabyldanatynyn aitty.
– Árine, zańsyz bolǵannyń bári toqtatylady. Bas prokýratýra kóshedegi osyndai mitingilerdiń zańsyz ekenin birneshe ret eskertti, sebebi olar oǵan qatysqysy kelmeitin halyqqa kedergi jasaidy. Sondyqtan, jańa zań qabyldanady, endi demonstratsiiaǵa shyǵyp, óz pikirin bildirgisi kelgen halyq tiisti organǵa júginedi, olarǵa óz pikirin bildirý úshin arnaiy jer beriledi, – dedi Prezident.
Sonymen qatar, Toqaev EQYU-nyń sońǵy prezidenttik sailaý jaily baiandamasynda aitylǵan synǵa qatysty pikirin bildirdi:
– Ashyq sailaý ótkizý úshin barlyq jaǵdai jasaldy. Kei ýchaskelerde zańbuzýshylyqtar bolýy múmkin. Árine, tolyqqandy saraptama jasaimyz, eger zań buzylǵany anyqtalsa, qajetti sharalar qoldanylady, – dedi.
Aita keteiik, 9-12 maýsym arasynda elimizde ruqsat etilmegen mitingiler ótken bolatyn. Zańsyz aktsiiaǵa qatysyp, politsiia qyzmetkerleriniń zańdy talaptaryna baǵynbaǵany úshin 957 adamdy sot ákimshilik jaýaptylyqqa tartty, onyń ishinde qamaýǵa alynǵany – 670, aiyppulǵa – 115 jáne 172 adamǵa eskertý jasaldy.
Derekkóz: Tengrinews.kz.
