پرەزيدەنت قاسىم-جومارت توقايەۆ قولدانىستاعى سالىق كودەكسى تۋرالى زاڭعا قول قويدى، دەپ حابارلايدى Dalanews.kz.
"مەملەكەت باسشىسى «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسىنىڭ كودەكسىنە (سالىق كودەكسى) جانە ونى قولدانىسقا ەنگىزۋ ماسەلەلەرى بويىنشا قازاقستان رەسپۋبليكاسىنىڭ زاڭدارىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى"، دەلىنگەن اقوردا حابارلاماسىندا.
ايتا كەتەيىك، قول قويىلعان زاڭ جاڭا سالىق كودەكسى ەمەس.
قۇجاتتىڭ جاڭا سالىق كودەكسى ەمەس، قولدانىستاعى كودەكسكە ەنگىزىلگەن وزگەرىستەر ەكەنىنە ءمان بەرۋ قاجەت.
قول قويىلعان قۇجاتقا 2017 جىلدان باستاپ قولدانىستاعى سالىق كودەكسىنە وزگەرىستەر مەن تولىقتىرۋلار ەنگىزىلدى. بۇل تۇزەتۋلەر كەلەسىدەي ماقساتتاردى كوزدەيدى:
•جەكەلەگەن نورمالاردى وزەكتەندىرۋ،
•قايتالاناتىن نەمەسە ەسكىرگەن ەرەجەلەردى الىپ تاستاۋ،
•ناقتى باعىتتالعان سالىقتىق شارالاردى ەنگىزۋ.
