پرەزيدەنت قاسىم-جومارت توقاەۆ VI دٷنيەجٷزٸلٸك كٶشپەندٸلەر ويىندارىندا جٷلدە العان قازاقستاندىق سپورتشىلار مەن ولاردىڭ باپكەرلەرٸن ماراپاتتادى, دەپ حابارلايدى dalanews.kz.
تەۋەلسٸزدٸك سارايىندا ٶتكەن سالتاناتتى جيىندا مەملەكەت باسشىسى ۇلتتىق قۇراما مٷشەلەرٸن جارقىن جەڭٸستەرٸمەن قۇتتىقتاپ, ولاردىڭ قازاقستاننىڭ ۇلتتىق سپورتتاعى ابىرويىن ەلەمگە تانىتقانىن اتاپ ٶتتٸ.
«ەلەمنٸڭ 100-دەن استام ەلٸنەن كەلگەن سپورتشىلارمەن بەسەكەگە تٷسٸپ, كٶك بايراعىمىزدى بيٸككە كٶتەرۋ – ناعىز ۇلت پەرزەنتتەرٸنە تەن اسىل قاسيەت. ۇلتتىق كوماندامىز ەل ٷمٸتٸن تولىعىمەن اقتادى دەپ ايتساق, ەدٸلەتتٸككە ساي سٶز بولادى. مەن پرەزيدەنت رەتٸندە بارشاڭىزعا وتانىمىزعا ەكەلگەن رۋحتى جەڭٸستەرٸڭٸز ٷشٸن شىنايى ريزاشىلىعىمدى بٸلدٸرەمٸن. سٸزدەرگە تۇتاس حالقىمىز جانكٷيەر, تٸلەكشٸ بولدى», – دەدٸ قاسىم-جومارت توقاەۆ.
پرەزيدەنت ۇلتتىق قۇرامانىڭ جالپىكوماندالىق ەسەپتە بٸرٸنشٸ ورىن الۋىن ەل مەرەيٸن ٶسٸرگەن ماڭىزدى جەتٸستٸك دەپ باعالادى.
قازاقستاندىق سپورتشىلار كٶشپەندٸلەر ويىندارىندا جالپى 74 مەدال جەڭٸپ الدى. ونىڭ 32-سٸ – التىن جٷلدە.
«وسى تاماشا جەڭٸس قازاقتىڭ رۋحى بيٸك, جٸگەرٸ مىقتى, ناعىز جەڭٸمپاز ۇلت ەكەنٸن تاعى بٸر مەرتە ايقىن كٶرسەتتٸ», – دەدٸ مەملەكەت باسشىسى.
قاسىم-جومارت توقاەۆ سپورتتىڭ باستى مٸندەتتەرٸنٸڭ بٸرٸ حالىقتار اراسىنداعى ٶزارا قۇرمەت پەن دوستىقتى نىعايتۋ ەكەنٸن دە اتاپ ٶتتٸ. ونىڭ ايتۋىنشا, VI دٷنيەجٷزٸلٸك كٶشپەندٸلەر ويىندارى جوعارى دەڭگەيدە ۇيىمداستىرىلىپ, جارىستار ەدٸل ٶتكەن.
پرەزيدەنت وسى ورايدا قىرعىزستان پرەزيدەنتٸنە ريزاشىلىعىن بٸلدٸردٸ.
سالتاناتتى جيىن بارىسىندا كٶشپەندٸلەر ويىندارىندا ەل نامىسىن قورعاپ, جەڭٸس تۇعىرىنان كٶرٸنگەن سپورتشىلار مەن ولاردىڭ باپكەرلەرٸنە مەملەكەتتٸك ماراپاتتار تابىستالدى.
