پرەزيدەنت كورەيا رەسپۋبليكاسىنىڭ پرەمەر-مينيسترٸمەن كەزدەستٸ, دەپ حابارلايدى dalanews.kz.
قاسىم-جومارت توقاەۆ حان سون سۋكتى كورەيا ٷكٸمەتٸنٸڭ باسشىسى بولىپ تاعايىندالۋىمەن قۇتتىقتاپ, اسا جاۋاپتى قىزمەتٸنە تابىس تٸلەدٸ.
"بٷگٸندە قازاق-كورەي قارىم-قاتىناستارى تۇراقتى تٷردە جاقسى دامىپ كەلە جاتىر. ستراتەگييالىق ەرٸپتەستٸگٸمٸزدٸڭ اياسىندا قوس تاراپ ٷشٸن دە پايدالى بولاتىن كٶپتەگەن ماڭىزدى باستامالار جٷزەگە اسىرىلۋدا. سٸزدٸڭ ەلٸڭٸز قازاقستاننىڭ ون ٸرٸ ساۋدا جەنە ينۆەستيتسييالىق سەرٸكتەسٸنٸڭ قاتارىنا كٸرەدٸ. قازاقستاندا كورەي كاپيتالى بار 1 مىڭنان استام بٸرلەسكەن كەسٸپورىن جۇمىس ٸستەيدٸ. بٸراق الدىمىزدا تۇرعان جاۋاپتى مٸندەت ٶتە كٶپ. سٸزدەرمەن بٸرگە جوسپارلارىمىزدى ويداعىداي ٸسكە اسىرامىز دەپ ويلايمىن", – دەدٸ قازاقستان پرەزيدەنتٸ.
مەملەكەت باسشىسى قازاقستاندا وڭتايلى ٸسكەرلٸك جەنە ينۆەستيتسييالىق كليمات جولعا قويىلعانىن اتاپ ٶتتٸ.
"ەلٸمٸزدە كورەيانىڭ ٸرٸ كورپوراتسييالارىمەن قاتار, شاعىن جەنە ورتا بيزنەس ٶكٸلدەرٸنٸڭ كەسٸپپەن اينالىسۋىنا قولايلى جاعداي جاسالعان. وسى باعىتتا قازاق-كورەي ٷكٸمەتتەرٸ قاجەتتٸ شارالاردى اتقارىپ جاتىر. اتاپ ايتقاندا, ساۋدا-ەكونوميكالىق جەنە عىلىمي-تەحنيكالىق ىنتىماقتاستىق جٶنٸندەگٸ ٷكٸمەتارالىق كوميسسييا, سونداي-اق ٸسكەرلٸك كەڭەس تيٸمدٸ جۇمىس ٸستەپ كەلەدٸ. سونىمەن قاتار قاجەتتٸ قۇقىقتىق نەگٸز قالىپتاسقان", – دەدٸ قاسىم-جومارت توقاەۆ.
پرەمەر-مينيستر حان سون سۋك كورەيا رەسپۋبليكاسى ٶزارا بايلانىستاردى ودان ەرٸ تەرەڭدەتۋگە مٷددەلٸ ەكەنٸن ايتتى.
"پرەزيدەنت مىرزا, سٸزبەن جٷزدەسۋ – مەن ٷشٸن زور مەرتەبە. ٶزٸڭٸز اتاپ ٶتكەندەي, قازاقستان كورەيا رەسپۋبليكاسىنىڭ ورتالىق ازيياداعى ٸرٸ ساۋدا جەنە ينۆەستيتسييالىق سەرٸكتەسٸ سانالادى. وسى سامميت اياسىندا ەكٸ ەل اراسىنداعى ىنتىماقتاستىق, ەسٸرەسە, ەكونوميكا, ەنەرگەتيكالىق تاسىمال تٸزبەگٸ باعىتتارىندا جاندانا تٷسەدٸ دەپ ٷمٸتتەنەمٸن. سونداي-اق كورەيا الاتاۋ قالاسىن دامىتۋدا قازاقستاننىڭ ەلەۋەتتٸ سەرٸكتەستەرٸنٸڭ بٸرٸ بولادى دەپ ويلايمىن", – دەدٸ كورەيا رەسپۋبليكاسىنىڭ ٷكٸمەت باسشىسى.
پرەمەر-مينيستردٸڭ ايتۋىنشا, ەكٸجاقتى قارىم-قاتىناسقا ەكونوميكالىق باستامالار عانا ەمەس, سونىمەن قاتار, قارقىن العان مەدەني-گۋمانيتارلىق بايلانىستار جەنە ازاماتتاردىڭ بارىس-كەلٸسٸنٸڭ كٶبەيۋٸ دە ەرەكشە سەرپٸن بەرٸپ وتىر.
كەزدەسۋ بارىسىندا كٶلٸك-لوگيستيكا, اسا ماڭىزدى ماتەريالدار, ماشينا جاساۋ, تسيفرلاندىرۋ جەنە جاساندى ينتەللەكت پەن مەديتسينانى دامىتۋ سالالارىنداعى بٸرلەسكەن جوبالاردى ٸسكە اسىرۋ جوسپارى تالقىلاندى.
