"مەملەكەت باسشىسى 13-16 شىلدە ارالىعىندا ءتورت كۇندىك قىسقامەرزىمدى دەمالىستا بولادى.
قاسىم-جومارت كەمەل ۇلى دەمالىسىن ەلىمىزدىڭ ەڭ كورىكتى جەرلەرىنىڭ ءبىرى – شىعىس قازاقستان وبلىسىنداعى بۇقتىرما سۋ قويماسى اۋماعىندا وتكىزىپ جاتىر.
پرەزيدەنت ەلورداعا سەنبى كۇنى ورالادى"، – دەپ جازدى بەرىك ءۋالي.
بۇقتىرما سۋ قويماسى — قازاقستاننىڭ ءىرى سۋ قويماسى جانە الەمنىڭ بەس ءىرى جاساندى سۋ ايدىندارىنىڭ ءبىرى. وسكەمەننەن 100 شاقىرىم جانە سەمەيدەن 300 شاقىرىم جەردە ورنالاسقان.
بۇقتىرما سۋ قويماسىنىڭ وڭتۇستىك جانە سولتۇستىك جاعالاۋلارى تۋريستەردىڭ سۇيىكتى ورنىنا اينالعان. سول جاعالاۋى ەنجار تۋريزمگە ارنالسا، وڭ جاعالاۋى بەلسەندى دەمالىس ءۇشىن وتە ىڭعايلى، وندا كوپتەگەن دەمالىس ورىندارى سالىنعان.
