Memleket basshysy Qasym-Jomart Toqaevtyń baspasóz-hatshysy áleýmettik jelidegi paraqshasynda az kúndik demalys alǵan prezıdenttiń sýretterin jarıalady dep habarlaıdy Dalanews.kz. 

"Memleket basshysy 13-16 shilde aralyǵynda tórt kúndik qysqamerzimdi demalysta bolady.

Qasym-Jomart Kemeluly demalysyn elimizdiń eń kórikti jerleriniń biri – Shyǵys Qazaqstan oblysyndaǵy Buqtyrma sý qoımasy aýmaǵynda ótkizip jatyr.

Prezıdent elordaǵa senbi kúni oralady", – dep jazdy Berik Ýálı. 

Buqtyrma sý qoımasy — Qazaqstannyń iri sý qoımasy jáne álemniń bes iri jasandy sý aıdyndarynyń biri. Óskemennen 100 shaqyrym jáne Semeıden 300 shaqyrym jerde ornalasqan.

Buqtyrma sý qoımasynyń ońtústik jáne soltústik jaǵalaýlary týrıserdiń súıikti ornyna aınalǵan. Sol jaǵalaýy enjar týrızmge arnalsa, oń jaǵalaýy belsendi demalys úshin óte yńǵaıly, onda kóptegen demalys oryndary salynǵan.