– ٶڭٸرلٸك بيلٸك پەن اۋماقتىق قۇقىق قورعاۋ بٶلٸمشەلەرٸنٸڭ باسشىلارى كەسٸپكەرلەرمەن بٸرٸگٸپ, بيزنەستٸ قولداۋ دەگەن سىلتاۋمەن ٷنەمٸ زاڭسىز ەرەكەتتەردٸ جٷزەگە اسىراتىنى جاسىرىن ەمەس.
بۇل – ٷلەستٸ ٶزارا بٶلٸسٸپ العان دەگەن سٶز. مۇنىڭ بەرٸ سىبايلاس جەمقورلىققا, كٶلەڭكەلٸ ەرەكەتتەرگە, ەكٸمشٸلٸك رەسۋرستارعا نەگٸزدەلگەن تەندەرلەر مەن بيۋدجەت قارجىسىن وڭدى-سولدى شاشۋعا باعىتتالعان قازاقستاندىق بيزنەستٸڭ اششى دا بولسا شىنايى بەينەسٸن قالىپتاستىردى.
مۇنداي قىلمىس تٷرلەرٸنە مەملەكەت باتىل ەرٸ مٸندەتتٸ تٷردە جٷيەلٸ توسقاۋىل قويۋعا تيٸس. بۇل – ٷلكەن مٸندەت. وتاندىق بيزنەستٸڭ دەل وسىنداي سيپاتى تۇتاس مەملەكەتتٸڭ بەدەلٸنە زور نۇقسان كەلتٸرەدٸ.
باسقاشا ايتقاندا, ەلٸمٸزدە ەشقانداي دا قولداۋشى تٸرەك پەن رەيدەرلٸك بولماۋى كەرەك. ەگەر بيزنەس ادال جۇمىس ٸستەۋگە دايىن ەرٸ كرەاتيۆتٸ, زامانعا ساي سۇرانىسقا يە بولسا, ونى قولداۋ قاجەت.
ۇلتتىق ەكونوميكانىڭ جاڭا مودەلٸنە ەنۋگە كٶمەكتەسۋ كەرەك. بٸز بيزنەس پەن مەملەكەت مٷددەسٸ اراسىنداعى تەڭگەرٸمدٸ قاتاڭ ساقتاۋعا تيٸسپٸز, – دەدٸ پرەزيدەنت.
مەملەكەت باسشىسى وسى مەسەلەلەردٸ شەشۋ ٷشٸن بٸرقاتار ناقتى شارانى بەلگٸلەپ بەردٸ. قاسىم-جومارت توقاەۆتىڭ پٸكٸرٸنشە, ەڭ الدىمەن, قۇقىق قورعاۋ ورگاندارى تاراپىنان نەگٸزسٸز قۋدالاۋدى ازايتۋ جٶنٸندە جٷيەلٸ شارالار قابىلداۋ قاجەت ەكەنٸن ەسكەرتتٸ.
– سوڭعى بەس ايدا پروكۋرورلار 100 مىڭعا جۋىق كەسٸپكەردٸڭ قۇقىعىن قورعادى. بۇل شامامەن تۇتاس 2021 جىلعى كٶرسەتكٸشكە جۋىقتايدى. اتالعان دەرەكتەر تەرگەۋ ورگاندارىنىڭ بيزنەستٸ قىلمىستىق قۋدالاۋعا مەجبٷرلٸ تٷردە تارتىپ جاتقانىن بٸلدٸرەدٸ.
باس پروكۋراتۋرا كەسٸپكەرلٸك سۋبەكتٸلەرٸنە قاتىستى باقىلاۋ-قاداعالاۋ, ەسٸرەسە تەرگەۋ ەرەكەتتەرٸن زاڭسىز جٷرگٸزۋگە جول بەرمەۋدٸ بارىنشا قاتاڭ باقىلاۋدى قامتاماسىز ەتۋگە تيٸس, – دەدٸ پرەزيدەنت.
