الماتى وبلىسىنىڭ پوليتسييا دەپارتامەنتٸن باسقارعان باۋىرجان ەلەنوۆ جاڭا قىزمەتكە تاعايىندالدى, - دەپ حابارلايدى Dalanews.kz.
مەملەكەت باسشىسىنىڭ ٶكٸمٸمەن باۋىرجان تٶلەگەنۇلى ەلەنوۆ قازاقستان رەسپۋبليكاسى ٸشكٸ ٸستەر مينيسترٸنٸڭ بٸرٸنشٸ ورىنباسارى لاۋازىمىنا تاعايىندالدى.
بۇعان دەيٸن پرەزيدەنت مارات قوجاەۆ ٸشكٸ ٸستەر مينيسترٸنٸڭ بٸرٸنشٸ ورىنباسارى لاۋازىمىنان بوساتىپ, قازاقستان رەسپۋبليكاسى پارلامەنتٸ سەناتىنىڭ دەپۋتاتى ەتٸپ تاعايىنداعان بولاتىن.
ال باۋىرجان ەلەنوۆ 2022 جىلى 2 تامىزدا الماتى وبلىسىنىڭ پوليتسييا دەپارتامەنتٸنٸڭ باسشىسى بولىپ تاعايىندالعان ەدٸ. ول 1976 جىلى 8 قاراشادا كٶكشەتاۋ وبلىسىندا دٷنيەگە كەلگەن.
بٸلٸمٸ – قۇقىقتانۋ, زاڭ عىلىمدارىنىڭ ماگيسترٸ. 2004 جىلى «فەميدا» زاڭ ينستيتۋتىن, 2012 جىلى قاراعاندى زاڭ ينستيتۋتىنىڭ ماگيستراتۋراسىن تەمامداعان.
ٸشكٸ ٸستەر ورگاندارىنداعى قىزمەتٸن 1997 جىلدىڭ مامىر ايىندا باستادى. ول 2021 جىلدىڭ قاڭتار ايىنان باستاپ قازاقستان ٸٸم جەدەل قىزمەت دەپارتامەنتٸنٸڭ باستىعى, وعان دەيٸن قازاقستان ٸٸم جەتٸنشٸ دەپارتامەنتٸنٸڭ باستىعى بولعان.
