Almaty oblysynyń Politsiia departamentin basqarǵan Baýyrjan Álenov jańa qyzmetke taǵaiyndaldy, - dep habarlaidy Dalanews.kz.
Memleket basshysynyń ókimimen Baýyrjan Tólegenuly Álenov Qazaqstan Respýblikasy Ishki ister ministriniń birinshi orynbasary laýazymyna taǵaiyndaldy.
Buǵan deiin Prezident Marat Qojaev Ishki ister ministriniń birinshi orynbasary laýazymynan bosatyp, Qazaqstan Respýblikasy Parlamenti Senatynyń depýtaty etip taǵaiyndaǵan bolatyn.
Al Baýyrjan Álenov 2022 jyly 2 tamyzda Almaty oblysynyń Politsiia departamentiniń basshysy bolyp taǵaiyndalǵan edi. Ol 1976 jyly 8 qarashada Kókshetaý oblysynda dúniege kelgen.
Bilimi – quqyqtaný, zań ǵylymdarynyń magistri. 2004 jyly «Femida» zań institýtyn, 2012 jyly Qaraǵandy zań institýtynyń magistratýrasyn támamdaǵan.
Ishki ister organdaryndaǵy qyzmetin 1997 jyldyń mamyr aiynda bastady. Ol 2021 jyldyń qańtar aiynan bastap Qazaqstan IIM jedel qyzmet departamentiniń bastyǵy, oǵan deiin Qazaqstan IIM jetinshi departamentiniń bastyǵy bolǵan.
