– جاڭاٶزەندە بولعان جارىلىستىڭ سالدارىن جويۋ جۇمىستارىن تەز ارادا اياقتاۋ قاجەت. جالپى, جاڭاٶزەن – مۇناي-گاز سالاسىنا عانا قاراپ وتىرعان مونوقالا. سول سەبەپتٸ, بٸز ونى دامىتۋ ٷشٸن ارنايى كەشەندٸ جوسپار قابىلدادىق. وسى قۇجاتتى مەيلٸنشە جٷزەگە اسىرۋ كەرەك. ٷكٸمەت تە بۇل جۇمىسقا جاۋاپتى بولادى.
باتىستا, ەسٸرەسە, ماڭعىستاۋدا, جاستار كٶبٸنە مۇنايشى بولعىسى كەلەدٸ. بۇل – دۇرىس ەمەس. مۇناي قورى تاۋسىلعاندا ايماقتاعى احۋال تٸپتٸ كٷردەلٸ بولىپ كەتۋٸ مٷمكٸن.
سوندىقتان جاستاردىڭ باسقا دا كەسٸپتەردٸ يگەرۋٸنە جاعداي جاساۋىمىز كەرەك. بۇل جۇمىستى ارنايى جوسپار بويىنشا اتقارۋدى تالاپ ەتەدٸ.
مىسالى, بٷگٸنگٸ زاماننىڭ ٶزەكتٸ سالاسى – اقپاراتتىق تەحنولوگييالار. وسىنداي تەحنولوگييالاردى ماڭعىستاۋ وبلىسىن دامىتۋ ٸسٸندە قولدانۋعا بولادى.
جالپى, بٸز كٶزٸ اشىق, بٸلٸمدٸ جاستاردى تەربيەلەۋٸمٸز كەرەك. ٶسكەلەڭ ۇرپاق كەلەشەككە سەنٸممەن قاراۋى قاجەت. بۇل ٷلكەن جۇمىس. بۇل ەكٸمنٸڭ, ٷكٸمەتتٸڭ قۇزىرىندا تۇراقتى تٷردە بولۋ كەرەك, – دەپ مەملەكەت باسشىسى ويىن ورتاعا سالدى.
