تٶلە بي اۋدانىندا جەتٸ بٸردەي اۋقىمدى جوبا جٷزەگە اسىرىلىپ جاتىر
ايتا كەتسەك وسى ماقساتتا قازٸرگٸ تاڭدا اۋداندا جەتٸ بٸردەي اۋقىمدى جوبا جٷزەگە اسىرىلىپ جاتىر ەكەن. اتاپ ايتار بولساق, الداعى ۋاقىتتا سايرامسۋ مەن قاسقاسۋ ٶزەنٸنٸڭ بويىندا التى شاعىن سۋ-ەلەكتر ستانتسيياسى بوي كٶتەرەدٸ. ال بيىلعى جىلى قۋاتتىلىعى 5 مۆت, قۇنى 1,5 ملرد تەڭگە بولاتىن «اقسۋ قۋات» العاشقى سۋ-ەلەكتر ستانساسىنىڭ قۇرىلىسى اياقتالاتىن بولادى.
سونىمەن قاتار بيىل اۋدان ورتالىعى لەڭگٸر قالاسىندا قۋاتتىلىعى 10 مۆت بولاتىن «دستو- Solar» كٷن ەلەكتر ستانساسى مەن قاسقاسۋ اۋىلدىق وكرۋگٸندە قۋاتتىلىعى 5 مۆت بولاتىن «سارى-ايعىر قۋات» شاعىن گەس قۇرىلىسى باستالادى. بالامالى ەلەكتر قۋاتىن ٶندٸرۋ بويىنشا «دستو- Solar» جوباسىنىڭ قۇنى 4 ملرد تەڭگە.
بۇل جوبالاردىڭ بارلىعى ٸسكە قوسىلعان جاعدايدا 30 مۆت-قا جۋىق ەلەكتر قۋاتى ٶندٸرٸلەدٸ. ايتا كەتەيٸك, بٷگٸندە اۋداننىڭ ەلەكترگە قاجەتتٸلٸگٸ شامامەن 20 مۆت, قالعانى كٷن سايىن ەلەكتر قۋاتىنىڭ قاجەتتٸلٸگٸ ارتىپ كەلە جاتقان اۋداننىڭ ٶندٸرٸستٸك دامۋ باعىتىنا پايدالانۋ كٶزدەلۋدە.
تٶلە بي اۋدانىنىڭ تەجٸريبەسٸ ٶزگە دە اۋداندارعا ٷلگٸ بولارى انىق.
