بۇگىن تۇركىستان وبلىسىنىڭ تولە بي اۋدانىنا جاڭادان اكىم تاعايىندالدى. ق ر پرەزيدەنتى اكىمشىلىگىنىڭ كەلىسىمى جانە اۋداندىق ءماسليحاتتىڭ كەلىسىمى بويىنشا وبلىس اكىمى جانسەيىت تۇيمەبايەۆ بۇل قىزمەتكە باۋىرجان وماربەكوۆتى تاعايىندادى.

اكىمدى اۋدان اكتيۆىنە ارنايى تانىستىرعان ايماق باسشىسى الداعى جۇمىسىنا ساتتىلىك تىلەي وتىرىپ، مەملەكەت باسشىسى بەكىتكەن باعدارلامالاردىڭ ساپالى تۇردە جۇزەگە اسىرۋعا جانە اۋداننىڭ الەۋمەتتىك-ەكونوميكالىق دامۋى مەن تۇرعىنداردىڭ ونىڭ ىشىندە جاستاردىڭ جۇمىسقا ورنالاسۋىن باستى نازاردا ۇستاۋ قاجەتتىلىگىن ايتتى. سونىمەن بىرگە، اۋداننىڭ دامۋىنا ءوز ۇلەسىن قوسقان بۇرىنعى اكىم بۇحارباي پارمانوۆقا العىسىن ءبىلدىرىپ، الداعى قىزمەتىنە ساتتىلىك تىلەدى.

– اۋداندا تۇرعىن ۇيمەن قامتۋ، اۋىل شارۋاشىلىعىن جانە ءتۋريزمدى دامىتۋ بويىنشا جۇيەلى جۇمىستار جۇرگىزىلۋدە. ەندى جاڭا اكىم وسى باعىتتاعى جۇمىستاردى جەدەلدەتىپ، ساپالى تۇردە اتقارۋ قاجەت. سونىمەن قوسا بارلىق سالانى سيفرلاندىرۋ جۇيەسىنە كوشىرۋدى باستى نازارعا العان ءجون. اقپاراتتىق تەحنولوگيالار قارىشتاپ دامىپ بارا جاتقان مىنا زاماندا IT سالاسىن دامىتپاساق، دامىعان 30 ەلدىڭ قاتارىنان كورىنۋ قيىن. ويتكەنى، وركەنيەتتى ەلدەردىڭ بارلىعى وسى سيفرلى جۇيەگە كوشىپ، ونەركاسىبىنىڭ دامۋىن جانە حالقىنىڭ ءال-اۋقاتىن جىلدان-جىلعا جاقسارتىپ كەلەدى. بۇل جۇمىستى ۇيلەستىرۋدە جاڭا تاعايىندالعان اكىمنىڭ تاجىريبەسى مەن بىلىكتىلىگى جەتەدى دەپ ويلايمىن. بۇدان بولەك، تۇرعىنداردى اۋىز سۋ جانە كوگىلدىر وتىنمەن قامتۋ جانە ەڭبەك رەسۋرستارىن رەتتەپ، حالىقتى جۇمىسپەن قامتۋ جۇمىستارىن كۇشەيتۋدى تاپسىرامىن، – دەدى اكىم.

ب.وماربەكوۆ 1983 جىلى تۋىلعان، ءبىلىمى جوعارى، ماماندىعى  بويىنشا ەكونوميست. ەڭبەك جولىن 2005 جىلى «قازكوممەرسبانك» اق شىمكەنت فيليالى بولشەك بيزنەسىن دامىتۋ سەكتورىنىڭ كليەنتتەرمەن جۇمىس جۇرگىزۋ مەنەدجەرى بولىپ باستاعان. 2006-2015 جىلدارى ارالىعىندا «قازكوممەرسبانك» اق شىمكەنت فيليالى № 814 وپەراسيالىق ءبولىمىنىڭ تۇتىنۋ نەسيەلەرىن ساتۋ ءبولىمىنىڭ مەنەدجەرى، «بانك تۋران الەم» اق وقف نەسيە جەلىسى سەكتورىنىڭ مەڭگەرۋشىسى، «اليانس بانك» اق ديرەكتورىنىڭ بولشەك بيزنەسى بويىنشا ورىنباسارى، «كاسىپكەرلىككە قىزمەت كورسەتۋ ورتالىعى» ءجشس-نىڭ ديرەكتورى قىزمەتتەرىن اتقارعان.

ال 2015-2016 جىلدارى ارالىعىندا وڭتۇستىك قازاقستان وبلىسى كاسىپكەرلىك،  يندۋستريالدى-يننوۆاسيالىق دامۋ جانە تۋريزم باسقارماسى باسشىسىنىڭ ورىنباسارى، وڭتۇستىك قازاقستان وبلىسى اكىمىنىڭ كەڭەسشىسى قىزمەتىن اتقارعان. 2016 جىلدىڭ شىلدە ايىنان باستاپ ورداباسى اۋدانى اكىمىنىڭ ورىنباسارى لاۋازىمىندا ەڭبەك ەتىپ كەلگەن.

 

تۇركىستان وبلىسى اكىمىنىڭ باسپا ءسوز قىزمەتى