“وكىنىشكە وراي، بۇگىندە توكيو وليمپياداسىنداعى كەيبىر سپورتشىلارىمىزدىڭ ساتسىزدىگىنە كوپشىلىك جاعىمسىز پىكىرلەر مەن تىم ادىلەتسىز سىن ايتىپ جاتىر.
ونىڭ ىشىندە بۇعان دەيىنگى جارىستاردا ەلىمىزدىڭ اتىن تورتكۇل دۇنيەگە تانىتىپ جۇرگەن تانىمال اتلەتتەرىمىز دە اتى اتالۋدا”، – دەيدى مينيستر.
ءوز سوزىندە مينيستر رىپاكوۆا مەن ليەۆيتتىڭ ويىندارىن اتاپ ءوتتى.
“2016 جىلى ريو-دە-جانەيرو وليمپياداسىندا ۆاسيليي ليەۆيتتىڭ رينگتەگى ونەرىنە بۇكىل ەلىمىز تامساندى، وعان كورسەتىلگەن ادىلەتسىزدىككە بىرگە جاندارى اۋىردى.
وسى جولى ۆاسيليي جەڭىلدى، ءبىراق ونىڭ وسى بەس جىل ىشىندە ەلىمىز ءۇشىن دايىندالىپ، كەزەكتى وليمپيادالىق سيكلدەن ءوتىپ، رينگكە قايتا شىعۋىنىڭ ءوزى قۇرمەتتەۋگە تۇرارلىق شەشىم دەپ سانايمىن.
ولگا رىپاكوۆانىڭ دا ساتسىزدىگى مەن ونىڭ كاسىبي كارەراسى اياقتالدى دەگەن اقپارات كوڭىلگە ءتىپتى قاياۋ تۇسىرەدى.
ولگا بۇكىل سانالى عۇمىرىن وتاندىق سپورت جولىنا ارناپ، ەلىمىزدىڭ اتىن تالاي مارتە ءدۇبىرلى دودالاردا اسقاقتاتقان بىردەن ءبىر جەڭىل اتلەت. ول 36 جاسىندا ءوزىنىڭ ءتورتىنشى وليمپياداسىنا قاتىسىپ، ەلىمىزدىڭ نامىسىن كەزەكتى رەت قورعاۋعا شەشىم قابىلدادى.
ولار ۇلكەن سپورتتاعى كارەراسىن اياقتاعانىمەن الداعى ۋاقىتتا وزدەرىنىڭ ءىزىن باسار شاكىرت تاربيەلەۋدە ۇلكەن ەڭبەك ەتەدى دەپ سەنەمىن”، – دەپ قوستى ول.
بۇعان قوسا، ول بۇل سپورتشىلاردىڭ جەتكەن جەتىستىكتەرىن ۇمىتپاۋعا شاقىردى.
“سوندىقتان قانداي جاعدايدا دا ۇلى سپورتشىلارىمىزدىڭ جەتىستىكتەرى مەن جەڭىستەرىن ءبىز ەشقاشان ۇمىتپاۋىمىز كەرەك. قيىن ساتتەردە قولداۋ كورسەتۋ ارقىلى عانا ءبىز ولارعا سەنىم ۇيالاتىپ، كەلەر كۇندەردىڭ جەڭىستەرىنەن ءۇمىت ەتە الامىز. ءبىز ءۇشىن ءبىزدىڭ سپورتشىلاردىڭ بارلىعى دا ناعىز چەمپيوندار!” – دەدى بالايەۆا.
