تٷركٸستان وبلىسىندا توي ٷستٸندە ەيەلدەردٸ "ۇرعاشىلار" دەپ اتاپ, ەنشٸلەردٸ "شايتاننىڭ ازانشىلارىنا" تەڭەگەن ەر ادامعا قاتىستى سوتقا دەيٸنگٸ تەرگەۋ اياقتالدى. قىلمىستىق ٸس سوتقا جولدانعان, دەپ حابارلايدى dalanews.kz inform.kz-كە سٸلتەمە جاساپ.
تٷركٸستان وبلىسى پوليتسييا دەپارتامەنتٸنٸڭ رەسمي ساۋالعا بەرگەن جاۋابىنا سەيكەس, قاناەۆ ك.-عا قاتىستى ٸس تەرگەۋ باستالعاننان اياقتالعانعا دەيٸن قىلمىستىق كودەكستٸڭ 174-بابىنىڭ 1-بٶلٸگٸ بويىنشا قارالعان. ٸستٸڭ سارالانۋى ٶزگەرتٸلمەگەن جەنە وعان قوسىمشا باپتار ەنگٸزٸلمەگەن.
"قاناەۆ ك.-عا قاتىستى قىلمىستىق ٸس سوتقا دەيٸنگٸ تەرگەۋ باستالعان سەتتەن باستاپ اياقتالعانعا دەيٸن قر قىلمىستىق كودەكسٸنٸڭ 174-بابى 1-بٶلٸگٸ بويىنشا تەرگەلدٸ. قىلمىستىق قۇقىق بۇزۋشىلىقتىڭ سارالانۋى ٶزگەرتٸلگەن جوق جەنە قوسىمشا باپپەن تولىقتىرىلمادى", – دەدٸ تٷركٸستان وبلىسى پوليتسييا دەپارتامەنتٸ تەرگەۋ باسقارماسىنىڭ باستىعى مۇحتار سەيدٸلداەۆ.
كٷدٸكتٸگە ەكٸ اي مەرزٸمگە قاماۋدا ۇستاۋ تٷرٸندەگٸ بۇلتارتپاۋ شاراسى قولدانىلعان. كەيٸن قاماۋ مەرزٸمٸ ۇزارتىلماعان.
تەرگەۋ بارىسىندا كەشەندٸ سوت دٸنتانۋ, ساياساتتانۋ جەنە پسيحولوگييالىق-فيلولوگييالىق ساراپتاماسى جٷرگٸزٸلٸپ, ونىڭ قورىتىندىسى الىنعان. ال 26 تامىزدا قىلمىستىق ٸس سوتقا جٸبەرٸلگەن.
"2026 جىلعى 26 تامىزدا قىلمىستىق ٸس قازاقستان رەسپۋبليكاسىنىڭ قىلمىستىق-پروتسەستٸك كودەكسٸنٸڭ 190-بابىندا كٶزدەلگەن تەرتٸپپەن سوتقا جولداندى. سوتقا دەيٸنگٸ تەرگەپ-تەكسەرۋدٸڭ ٶزگە دە مەلٸمەتتەرٸ قر قپك-نٸڭ 201-بابىنىڭ تالاپتارىنا سەيكەس جارييا ەتۋگە جاتپايدى", – دەدٸ مۇحتار سەيدٸلداەۆ.
قىلمىستىق كودەكستٸڭ 174-بابىنىڭ 1-بٶلٸگٸ ەلەۋمەتتٸك, ۇلتتىق, رۋلىق, نەسٸلدٸك نەمەسە دٸني الاۋىزدىقتى قوزدىرۋعا باعىتتالعان قاساقانا جارييا ەرەكەتتەر ٷشٸن جاۋاپكەرشٸلٸكتٸ قاراستىرادى. بۇل باپ بويىنشا 2 مىڭنان 7 مىڭ اەك-كە دەيٸن ايىپپۇل سالىنۋى, ەكٸ جىلدان جەتٸ جىلعا دەيٸن باس بوستاندىعىن شەكتەۋ نەمەسە سول مەرزٸمگە باس بوستاندىعىنان ايىرۋ جازاسى تاعايىندالۋى مٷمكٸن.
2026 جىلى بٸر اەك 4 325 تەڭگەنٸ قۇرايدى. دەمەك, ايىپپۇل مٶلشەرٸ 8 ملن 650 مىڭ تەڭگەدەن 30 ملن 275 مىڭ تەڭگەگە دەيٸن جەتۋٸ ىقتيمال. الايدا ەر ادام كٸنەلٸ دەپ تانىلعان جاعدايدا ناقتى جازانى سوت بەلگٸلەيدٸ.
ەسكە سالايىق, وقيعا تامىز ايىنىڭ باسىندا تٷركٸستان وبلىسىنىڭ جەتٸساي قالاسىندا ٶتكەن تويدا بولعان. ەلەۋمەتتٸك جەلٸدە تاراعان ۆيدەودا توي قوناعى ەرلەر مەن ەيەلدەر بٶلەك وتىرۋى كەرەك ەكەنٸن ايتىپ, ەيەلدەردٸ «ۇرعاشىلار» دەپ اتاعان. سونداي-اق ول ەنشٸلەردٸ «شايتاننىڭ ازانشىلارىنا» تەڭەگەن. ۆيدەو قوعامدا قىزۋ تالقىعا تٷسٸپ, كەيٸن پوليتسييا قىلمىستىق ٸس قوزعادى.
وقيعاعا سول كەزدەگٸ مەملەكەتتٸك كەڭەسشٸ ەرلان قارين دە پٸكٸر بٸلدٸرٸپ, قازاقستاننىڭ زايىرلى مەملەكەت ەكەنٸن جەنە دٸندٸ ٶنەر مەن مەدەنيەتكە قارسى قويۋعا بولمايتىنىن اتاپ ٶتكەن. ونىڭ سٶزٸنشە, ەيەلدەردٸ كەمسٸتۋ, ەنشٸلەر مەن مۋزىكا ٶنەرٸنە تەرٸس كٶزقاراس تانىتۋ ۇلتتىق بولمىسقا جات.
قازاقستان مۇسىلماندارى دٸني باسقارماسى دا مەلٸمدەمە جاساپ, يسلامدا انا مەن ەيەلگە قۇرمەت كٶرسەتۋ تالاپ ەتٸلەتٸنٸن, ال ادامنىڭ ار-نامىسى مەن قادٸر-قاسيەتٸن قورلاۋعا جول بەرٸلمەيتٸنٸن ەسكە سالعان.
