رەسەي ساياساتكەرٸ زيۋگانوۆ: "سولتٷستٸك قازاقستان تۇتاستاي العاندا ورىستٸكٸ, ال وڭتٷستٸك قازاقستاندا ورىس تٸلٸ مەكتەپتەردە وقىتىلماۋدا. مەملەكەتتٸك دۋما بۇل مەسەلەنٸ شەشۋ بويىنشا ناقتى شەشٸمدەر شىعارۋى تيٸس دەپ سانايمىن", – دەپ بىقسىعان بولاتىن.
دۋما دەپۋتاتىنىڭ ايتۋىنشا قازاقستانداعى ورىستٸلدٸلەرگە وسىنداعى ۇلتشىلدار كٷن كٶرسەتپەۋدە. "بٸز رۋحاني, مەدەني, تٸلدٸك تۇرعىدان تولىق قورعالۋعا تيٸس شارالار قابىلداۋعا مٸندەتتٸمٸز", - دەيدٸ تٶرٸنەن كٶرٸ جاقىن زيۋگانوۆ.
مەجٸلٸس دەپۋتاتى ايگٷل قۇسپان كەرٸ كوممۋنيستٸ سوقتىعارعا سەبەپ تاپپاي جٷر دەپ سانايدى.
"تىرناق استىنان كٸر ٸزدەپ, قيسىنعا كەلمەيتٸن, ويدان قۇراعان دٷنيەنٸ داۋعا ۇلاستىرماقشى. "سولتٷستٸك قازاقستان تۇتاستاي العاندا ورىستٸكٸ, ال وڭتٷستٸك قازاقستاندا ورىس تٸلٸ مەكتەپتەردە وقىتىلماۋدا" دەگەنٸن باسقاشا تٷسٸندٸرۋ مٷمكٸن ەمەس.
رەسەي بيلٸگٸن شۇعىل شارا قابىلداۋعا شاقىرۋى دا اشىقتان-اشىق ارانداتۋ. ايتىلعان سٶز - اتىلعان جوق.
شوۆينيستٸك ٷندەۋ جاساعان زيۋگانوۆ قازاقستان مەن رەسەيدٸڭ سەنٸمدٸ سەرٸكتەس, ودان قالدى وداقتاس ەكەنٸن ۇمىتىپ كەتسە كەرەك.
كوممۋنيستٸك پارتييانىڭ كٶسەمٸ ٶزٸن الىس-جاقىن شەتەلدەگٸ ورىستاردىڭ جاناشىرى, ۇلت پاتريوتى رەتٸندە دەرٸپتەگٸسٸ كەلگەندەي. مۇنداي مەلٸمدەمە ارقىلى زيۋگانوۆ سەكٸلدٸ ساياساتكەرلەر رەسەيدٸڭ سٷيكٸمٸن كەتٸرۋدە. ەل مەن ەلدٸ ارازداستىرۋدا", – دەيدٸ قۇسپان.
ونىڭ اتاپ ٶتكەنٸندەي, قازٸرگٸدەي قۇبىلمالى ۋاقىتتا رەسەي ساياساتكەرلەرٸ ەڭ الدىمەن تٸلٸن تىيۋى قاجەت.
"ەسٸرەسە, كٶرشٸلەرٸنە كەلگەندە اۋىزدان شىققان ەر سٶزگە اباي بولعان جٶن", – دەيدٸ دەپۋتات.
