بريفينگ بارىسىندا پاۆلودارداعى قوعام بەلسەندٸسٸ رۋزا بەيسەنبايتەگٸ ٶز ٶڭٸرٸندە قازاقتٸلدٸ مەكتەپتەردٸڭ ازدىعىن ايتىپ, مەسەلە كٶتەرٸپ جٷرگەن جانداردىڭ بٸرٸ ەكەندٸگٸ ايتىلدى.
وسى مەسەلەمەن ول ەكٸمدٸككە كەلٸپ, بەيبٸت ميتينگ ٶتكٸزۋگە رۇقسات سۇراعان. تٸل جاناشىرىن پاۆلودار ەكٸمٸ اپپاراتىنىڭ باسشىسى قايىرجان وڭعاروۆ قابىلداعان. الايدا تالاپتى تىڭداۋدىڭ ورنىنا جٷيكە-پسيحياترييالىق ديسپانسەرٸنەن دەرٸگەرلەر توبىن شاقىرتقان.
- مەملەكەتتٸك تٸل مەسەلەسٸ - ٶتە ماڭىزدى. بٸز بۇل جايتتى ەكٸمدٸكتٸڭ جەكە وتىرىسى اياسىندا بٶلەك تالقىلادىق. جىل سوڭىنا دەيٸن ونى ودان ەرٸ تالقىلايمىز. يە, شىنىمەن دە, رۋزا بەيسەنبايتەگٸ جاقىندا بٸزگە ٶتٸنٸشپەن كەلدٸ. بٸز وعان بەيبٸت ميتينگ ٶتكٸزۋگە رۇقسات بەردٸك. ميتينگ زاڭدى تٷردە ٶتتٸ. بٸز ايتىلعان ۇسىنىستاردى قابىل الدىق. سىن ەسكەرٸلدٸ, سىندارلى ۇسىنىستار بار. بۇل مەسەلە مەنٸڭ جەكە باقىلاۋىمدا, - دەپ جاۋاپ بەردٸ سقاقوۆ.
ال وڭعاروۆتىڭ ەرەكەتٸنە قاتىستى وبلىس ەكٸمٸ ونىڭ جۇمىستان بوساتىلعانىن ايتتى.
- قالا ەكٸمدٸگٸ اپپاراتىنىڭ باسشىسى وڭعاروۆ مىرزا قىزمەتٸنەن بوساتىلدى, - دەدٸ ول.
