استانا تۇرعىنىنا TikTok جەلىسىندە ۇلتارالىق ارازدىقتى قوزدىرۋ بابى بويىنشا قىلمىستىق ءىس قوزعالدى، دەپ حابارلايدى Dalanews.kz.
“بۇل فاكتى بويىنشا قىلمىستىق ءىس تىركەلدى. قاماۋعا الىنعان ازامات تەرگەۋ يزولياتورىنا قامالدى. تەرگەۋ جۇرگىزىلۋدە”، - دەلىنگەن حابارلامادا.
ەكسترەميزمگە قارسى كۇرەس باسقارماسىنىڭ قىزمەتكەرلەرى ينتەرنەت مونيتورينگى بارىسىندا استانا تۇرعىنىنىڭ TikTok-قا تىكەلەي ەفير ارقىلى ۇلتارالىق ارازدىقتى قوزدىرۋعا باعىتتالعان بەينەمازمۇنىن انىقتادى.
ساراپتاما قورىتىندىسىنا سايكەس، جاريالانعان بەينەمازمۇندا ۇلتارالىق ارازدىقتى قوزدىرۋ، قازاق ۇلتىنىڭ ازاماتتارىنىڭ ۇلتتىق قادىر-قاسيەتىنە ءتىل تيگىزۋ، سونداي-اق قوعام مەن مەملەكەتتىڭ تۇراقتىلىعىنا نۇقسان كەلتىرۋگە باعىتتالعان بەلگىلەر بار ەكەنى انىقتالدى.
