26 قازاندا قازاقستان رەسپۋبليكاسىنىڭ مەملەكەتتىك ورتالىق مۋزەيىندە قازاقستاندىق ۇلتتىق يۋنەسكو كلۋبتارىنىڭ فەدەراسياسى ۇيىمداستىرعان THE PLANET OF ART - 2024 حالىقارالىق جاستار فەستيۆالىنىڭ فيناليستەر مەن جوبا جەڭىمپازدارىنىڭ جۇمىستارىنىڭ كورمەسى، سونداي-اق جەڭىمپازداردى ماراپاتتاۋ ءراسىمى ءوتتى، - دەپ حابارلايدى Dalanews.kz.
2024 جىلى THE PLANET OF ART-2024 حالىقارالىق جاستار فەستيۆالىنىڭ كوركەمدىك سيكلى يۋنەسكو-نىڭ الەمدىك مۇرا وبەكتىلەرى تۋرالى ءبىلىمدى زەردەلەۋگە جانە قازاقستاندىق ۇلتتىق يۋنەسكو كلۋبتارىنىڭ فەدەراسياسىنىڭ 15 جىلدىعىنا ارنالىپ، قازاقستاننىڭ دۇنيەجۇزىلىك يۋنەسكو كلۋبتارى مەن اسسوسياسيالارىنىڭ فەدەراسياسىندا ءتوراعالىق ەتۋى اياسىندا وتكىزىلدى. الەمنىڭ 34 ەلىنەن 3 پەن 18 جاسارالىعىنداعى مىڭداعان بالالار مەن جاستار وزدەرىنىڭ الەمدىك مۇرا نىساندارىن كورسەتەتىن جۇمىستارىن ۇسىندى.
«THE PLANET OF ART - تەك فەدەراسيانىڭ جوباسى عانا ەمەس، قاتىسۋشىلار ءۇشىن جاڭا كوكجيەكتەر اشاتىن جانە مادەني الماسۋدىڭ بولاشاعىن قالىپتاستىراتىن ديالوگ پەن شىعارماشىلىق الاڭى. ءبىز 15 جىل ىشىندە ERG، CNPC، تشو جانە TotalEnergies سەرىكتەستەرىمىزدىڭ قولداۋى ارقاسىندا، جاستار وزدەرىن كورسەتىپ جانە مادەني مۇرانى ساقتاۋعا ۇلەس قوسا الاتىن كەڭىستىك قۇرعانىمىزعا ماقتان تۇتامىز»، - دەپ دۇنيەجۇزىلىك جانە قازاقستاندىق يۋنەسكو كلۋبتارىنىڭ فەدەراسيالارىنىڭ پرەزيدەنتى بولات اقشولاكوۆ اتاپ ءوتتى.
قازىلار القاسى وتىرىسىنىڭ قورىتىندىسى بويىنشا الەمنىڭ 34 ەلىنەن 82 جەڭىمپاز انىقتالدى. ولار قازاقستاننىڭ وڭتۇستىك استاناسى - الماتى قالاسىندا وتەتىن فەستيۆالدىڭ سوڭعى بولىگىنىڭ قىزىقتى باعدارلاماسىمەن تانىستى. بالالارعا قازاقستان رەسپۋبليكاسىنىڭ جەتەكشى پەداگوگتارى مەن ونەر قايراتكەرلەرىمەن شەبەرلىك سىنىپتارى مەن ترەنينگتەردەن وتۋگە بىرەگەي مۇمكىندىك بەرىلدى.
ءىس-شارا باعدارلاماسىنىڭ شارىقتاۋ شەگى - يۋنەسكو-نىڭ الەمدىك مۇراسى تاقىرىبىنا ارنالعان تاقىرىپتىق البومىن شىعارىلۋى جانە تۇساۋكەسەرى، وعان 500-گە جۋىق THE PLANET OF ART - 2024 فەستيۆالىنىڭ فيناليستەرى مەن جەڭىمپازدارىنىڭ ەڭبەكتەرى ەنگىزىلگەن.
ءوز كەزەگىندە، "ERG Komek" كورپوراتيۆتىك قورىنىڭ ديرەكتورى ءمادي يسمايلوۆ: «بايقاۋ يۋنەسكو-نىڭ الەمدىك مۇراسىنىڭ ماڭىزدى تاقىرىبىن تەرەڭ زەرتتەۋگە ىقپال ەتە وتىرىپ، ەۋرازيالىق توپتىڭ ماقساتىن تولىق قولدايدى. ءبىزدىڭ تاريحىمىزدى ءتۇسىنىپ، زەرتتەمەيىنشە لايىقتى بولاشاق قۇرۋ مۇمكىن ەمەس. الەمنىڭ 34 ەلىنەن كەلگەن مىڭداعان بالالاردىڭ وزدەرىنىڭ الەمدىك مۇرا نىساندارى تۋرالى بىلىمدەرىمەن بولىسكەنىنە ەرەكشە قۋانامىز».
جوبانىڭ باس سەرىكتەسى - Eurasian Resources Group (ERG)، بىرلەسكەن سەرىكتەسى CNPC كومپانياسىنىڭ جانە رەسمي سەرىكتەستەرى - تەڭىزشيەۆرويل جانە TotalEnergies E&P Kazakhstan قولداۋىنىڭ ارقاسىندا جوبا تەك الەۋمەتتىك سيپاتتا بولىپ، دارىندى جاس سۋرەتشىلەردى شىعارماشىلىق الەۋەتىن جۇزەگە اسىرۋ ءۇشىن قولداۋ كورسەتتى. حالىقارالىق دەڭگەيدە وتكىزىلۋى مەن تۇراقتىلىعىنىڭ ارقاسىندا كورشى ەلدەر مەن شەت ەلدەردىڭ شالعاي اۋداندارىندا، اۋىلدارىندا تۇراتىن جاستارعا ءارتۇرلى الەۋمەتتىك جاعدايى مەن تۇرعىلىقتى مەكەن-جايىنا قاراماستان، ءوز شىعارماشىلىعىن كوپشىلىككە پاش ەتىپ، تەگىن قاتىسۋعا مۇمكىندىك بەردى. ال بايقاۋدىڭ اقتىق سىنىنا وتكەن قاتىسۋشىلار قازاقستاننىڭ ۇلگىلى، تاجىريبەلى ماماندارىنان ءتالىم الىپ، ءوز داعدىلارىن شىڭداي الدى.
فەستيۆالگە قازاقستان رەسپۋبليكاسى سىرتقى ىستەر مينيسترلىگى، قازاقستان رەسپۋبليكاسىنىڭ يۋنەسكو جانە يسەسكو ىستەرى جونىندەگى ۇلتتىق كوميسسياسى، قازاقستان رەسپۋبليكاسى ءبىلىم مينيسترلىگى، ق ر مادەنيەت جانە اقپارات مينيسترلىگى، الماتى قالاسى اكىمدىگى جانە يۋنەسكو-نىڭ الماتىداعى ايماقتىق كەڭسەسى كەڭىنەن قولداۋ كورسەتتى.
جوبا سەرىكتەستەرى - «شىمبۇلاق» تاۋ كۋرورتى جانە «Kinoplexx & Kinopark Theatres» كينوتەاترلار جەلىسى.
