26 qazanda Qazaqstan Respýblıkasynyń Memlekettik ortalyq mýzeıinde Qazaqstandyq Ulttyq IýNESKO klýbtarynyń Federasıasy uıymdastyrǵan THE PLANET OF ART - 2024 Halyqaralyq jastar festıvaliniń fınalıster men joba jeńimpazdarynyń jumystarynyń kórmesi, sondaı-aq jeńimpazdardy marapattaý rásimi ótti, - dep habarlaıdy Dalanews.kz.
2024 jyly THE PLANET OF ART-2024 Halyqaralyq jastar festıvaliniń kórkemdik sıkli IýNESKO-nyń Álemdik mura obektileri týraly bilimdi zerdeleýge jáne Qazaqstandyq Ulttyq IýNESKO klýbtarynyń Federasıasynyń 15 jyldyǵyna arnalyp, Qazaqstannyń Dúnıejúzilik IýNESKO klýbtary men asosıasıalarynyń Federasıasynda tóraǵalyq etýi aıasynda ótkizildi. Álemniń 34 elinen 3 pen 18 jasaralyǵyndaǵy myńdaǵan balalar men jastar ózderiniń Álemdik mura nysandaryn kórsetetin jumystaryn usyndy.
«THE PLANET OF ART - tek Federasıanyń jobasy ǵana emes, qatysýshylar úshin jańa kókjıekter ashatyn jáne mádenı almasýdyń bolashaǵyn qalyptastyratyn dıalog pen shyǵarmashylyq alańy. Biz 15 jyl ishinde ERG, CNPC, TSHO jáne TotalEnergies seriktesterimizdiń qoldaýy arqasynda, jastar ózderin kórsetip jáne mádenı murany saqtaýǵa úles qosa alatyn keńistik qurǵanymyzǵa maqtan tutamyz», - dep Dúnıejúzilik jáne Qazaqstandyq IýNESKO klýbtarynyń Federasıalarynyń Prezıdenti Bolat Aqsholakov atap ótti.
Qazylar alqasy otyrysynyń qorytyndysy boıynsha álemniń 34 elinen 82 jeńimpaz anyqtaldy. Olar Qazaqstannyń ońtústik astanasy - Almaty qalasynda ótetin Festıváldiń sońǵy bóliginiń qyzyqty baǵdarlamasymen tanysty. Balalarǵa Qazaqstan Respýblıkasynyń jetekshi pedagogtary men óner qaıratkerlerimen sheberlik synyptary men trenıńterden ótýge biregeı múmkindik berildi.
İs-shara baǵdarlamasynyń sharyqtaý shegi - IýNESKO-nyń Álemdik murasy taqyrybyna arnalǵan taqyryptyq álbomyn shyǵarylýy jáne tusaýkeseri, oǵan 500-ge jýyq THE PLANET OF ART - 2024 Festıvaliniń fınalısteri men jeńimpazdarynyń eńbekteri engizilgen.
Óz kezeginde, "ERG Komek" Korporatıvtik qorynyń dırektory Mádı Ismaılov: «Baıqaý IýNESKO-nyń Álemdik murasynyń mańyzdy taqyrybyn tereń zertteýge yqpal ete otyryp, Eýrazıalyq toptyń maqsatyn tolyq qoldaıdy. Bizdiń tarıhymyzdy túsinip, zerttemeıinshe laıyqty bolashaq qurý múmkin emes. Álemniń 34 elinen kelgen myńdaǵan balalardyń ózderiniń Álemdik mura nysandary týraly bilimderimen bóliskenine erekshe qýanamyz».
Jobanyń bas seriktesi - Eurasian Resources Group (ERG), birlesken seriktesi CNPC kompanıasynyń jáne resmı seriktesteri - Teńizshevroıl jáne TotalEnergies E&P Kazakhstan qoldaýynyń arqasynda joba tek áleýmettik sıpatta bolyp, daryndy jas sýretshilerdi shyǵarmashylyq áleýetin júzege asyrý úshin qoldaý kórsetti. Halyqaralyq deńgeıde ótkizilýi men turaqtylyǵynyń arqasynda kórshi elder men shet elderdiń shalǵaı aýdandarynda, aýyldarynda turatyn jastarǵa ártúrli áleýmettik jaǵdaıy men turǵylyqty meken-jaıyna qaramastan, óz shyǵarmashylyǵyn kópshilikke pash etip, tegin qatysýǵa múmkindik berdi. Al baıqaýdyń aqtyq synyna ótken qatysýshylar Qazaqstannyń úlgili, tájirıbeli mamandarynan tálim alyp, óz daǵdylaryn shyńdaı aldy.
Festıválge Qazaqstan Respýblıkasy Syrtqy ister mınıstrligi, Qazaqstan Respýblıkasynyń IýNESKO jáne ISESKO isteri jónindegi Ulttyq komısıasy, Qazaqstan Respýblıkasy Bilim mınıstrligi, QR Mádenıet jáne aqparat mınıstrligi, Almaty qalasy ákimdigi jáne IýNESKO-nyń Almatydaǵy aımaqtyq keńsesi keńinen qoldaý kórsetti.
Joba seriktesteri - «Shymbulaq» taý kýrorty jáne «Kinoplexx & Kinopark Theatres» kınoteatrlar jelisi.
