ساياساتتانۋشىنىڭ پايىمداۋلارىن سوزبە ءسوز بەرىپ وتىرمىز:
«ءقازىر ترامپتىڭ قانداي شەشىمگە كەلەتىنىن انىقتاۋ مۇمكىن ەمەس. 2016 جىلعى شىلدەدە وعان قىرىمنىڭ رەسەيگە قوسىلۋىن مويىنداۋ تۋرالى سۇراق قويىلعان ەدى. سول كەزدە ول «…كەزىندە كورەرمىز» جانە «مەن قىرىم حالقى رەسەي قۇرامىندا ءومىر سۇرگەندى قالايدى جانە ءقازىر سوندا ءومىر ءسۇرىپ جاتىر دەپ ەستىدىم»، دەپ جاۋاپ بەرگەن ەدى.
ءبىز، كەم دەگەندە، قىرىمنىڭ كەيبىر تۇرعىندارىنىڭ رەسەي قۇرامىندا ءومىر سۇرگىسى كەلەتىنىنە كۇماندانبايمىز، اسىرەسە، 2014 جىلعى ەۋرومايداننان كەيىن. سوعان قاراماستان، ترامپ ەىقۇ مەن باتىس ەلدەرىنىڭ ەشقايسىسى قىرىمنىڭ اننەكسياسىن مويىنداماعانىن تۇسىنبەيتىن سىڭايلى.
انىعىن ايتقاندا،
ەگەر ترامپ قىرىمنىڭ رەسەيگە قوسىلعانىن مويىنداسا، وندا تۇبەك پوستكەڭەستىك كەڭىستىكتەگى وقشاۋلانعان رەجيمدەر توبى مەن اۆتوكراتيانىڭ بولىگىنە اينالادى.
«…رەسەي ۋكراينانىڭ وڭتۇستىگىنە باسا-كوكتەپ كىرە سالىسىمەن ءۇش ەل موسكۆانى قولداپ شىعا كەلدى. ق ر سىرتقى ىستەر مينيسترلىگى كەيىن الىپ تاستاعان ءتيىستى مالىمدەمە جاريالادى. بۇگىنگى تاڭدا قازاقستان كوشباسشىسى ۋكرايناداعى وقيعالاردى پايىمداۋدا موسكۆاعا قوسىلىپ، ولاردى توڭكەرىس رەتىندە باعالايتىن الەمدەگى جالعىز ادام».
ارى قاراي اۆتور ءوزىنىڭ ويىن بىلاي دەپ تۇيىندەيدى:
«ەگەر ترامپ رەسەيدىڭ قىرىمدى باسىپ الۋىن قولدايتىن بولسا، ول وسى كومپانياعا سولارمەن بىرگە (سول ەلدەرمەن – رەداكسيادان) جاۋاپتى بولادى. ءبىراق، ترامپتىڭ توڭىرەگى وعان «ەرىك بەرمەۋى مۇمكىن». ايتالىق، ترامپتىڭ ءوزى قورعانىس ءمينيسترى قىزمەتىنە ۇسىنعان ۇمىتكەر رەسەيدى دۇشپان سانايدى. ال ۇلتتىق بارلاۋ ديرەكتورى لاۋازىمىنا تاعايىندالعالى وتىرعان جاقتاسى دەن كوۋتس جاقىندا «رەسەيدىڭ قىرىمدى اننەكسيالاۋىن مويىنداماۋ تۋرالى اكتىسىن» جاريا ەتتى. ول مۇنى، ءوزى ايتقانداي، „اقش قىرىمنىڭ ورىس يەلىگىنە وتكەنىن مويىنداماۋ جانە ونى مويىنداۋ رەتىندە پايىمدايتىن شارالار ىسپەتتى قابىلداماۋى ءۇشىن ءبىرقاتار ءىس-شارالاردى قامتاماسىز ەتۋى كەرەك„.
دەرەككوزى: The Diplomat
