قازاقستاندا باسپانانى جالعا الاتىن ميگرانتتاردى تولىق تەكسەرۋ جوسپارلانىپ وتىر. قۇجات جوباسى اشىق نقا پورتالىندا جاريالاندى، دەپ حابارلايدى Dalanews.kz.

قارجىلىق مونيتورينگ اگەنتتىگى تەررورلىق شابۋىلداردىڭ الدىن الۋ ءۇشىن جىلجىمايتىن مۇلىكتى جالعا بەرۋ وپەراسيالارىن باقىلاۋدى ۇسىنادى. كۇدىكتىلەردىڭ قاتارىنا رەزيدەنت ەمەستەر دە كىرەدى.

"ماسكەۋدە بولعان لاڭكەستىك شابۋىل ("كروكۋس سيتي حولل" سوو) تەرروريستەردىڭ تۇرعىن ءۇيدى جالعا بەرۋ قىزمەتىن قالاي پايدالانعانىنىڭ ناقتى مىسالى بولدى. سونىمەن، لاڭكەستەر وزدەرىن قۇرىلىسشىمىز دەپ تانىستىرىپ، قىلمىس جاساۋ جوسپارلانعان جەرگە جاقىن تۇرعىن ءۇيدى جالدادى. كليەنتتەردى تەكسەرۋ كەزىندە كۇدىك بايقالسا (رەزيدەنت ەمەس، تىركەۋ مەن تۇراقتى جۇمىس ورنىنىڭ بولماۋى، قولما-قول اقشامەن تولەۋ، ءبىر توپ ادام جانە ت.ب.)، ولار تۋرالى دەرەكتەر قبب-عا جىبەرىلىپ وتىرادى"، – دەلىنگەن "اشىق نقا" پورتالىندا ۇسىنىلعان تۇزەتۋلەر پاكەتىندە.

ايتا كەتەيىك، بۇعان دەيىن ىشكى ىستەر مينيسترلىگى قازاقستاندا كوشى-قون زاڭناماسىن بۇزعان 710 تاجىكستاندىق جاۋاپقا تارتىلعانىن مالىمدەگەن ەدى.