Qazaqstanda baspanany jalǵa alatyn migranttardy tolyq tekserý josparlanyp otyr. Qujat jobasy Ashyq NQA portalynda jariialandy, dep habarlaidy Dalanews.kz.
Qarjylyq monitoring agenttigi terrorlyq shabýyldardyń aldyn alý úshin jyljymaityn múlikti jalǵa berý operatsiialaryn baqylaýdy usynady. Kúdiktilerdiń qataryna rezident emester de kiredi.
"Máskeýde bolǵan lańkestik shabýyl ("Krokýs Siti Holl" SOO) terroristerdiń turǵyn úidi jalǵa berý qyzmetin qalai paidalanǵanynyń naqty mysaly boldy. Sonymen, lańkester ózderin qurylysshymyz dep tanystyryp, qylmys jasaý josparlanǵan jerge jaqyn turǵyn úidi jaldady. Klientterdi tekserý kezinde kúdik baiqalsa (rezident emes, tirkeý men turaqty jumys ornynyń bolmaýy, qolma-qol aqshamen tóleý, bir top adam jáne t.b.), olar týraly derekter QBB-ǵa jiberilip otyrady", – delingen "Ashyq NQA" portalynda usynylǵan túzetýler paketinde.
Aita keteiik, buǵan deiin ishki ister ministrligi Qazaqstanda kóshi-qon zańnamasyn buzǵan 710 tájikstandyq jaýapqa tartylǵanyn málimdegen edi.
