استانادا كٶپقاباتتى تۇرعىن ٷيدٸڭ باسپالداق الاڭىندا قوعامدىق تەرتٸپتٸ بۇزعان ەر ادام 10 تەۋلٸككە ەكٸمشٸلٸك قاماققا الىندى, دەپ حابارلايدى dalanews.kz.
استانا قالاسىنىڭ ەكٸمشٸلٸك قۇقىق بۇزۋشىلىقتار جٶنٸندەگٸ مامانداندىرىلعان اۋدانارالىق سوتىنىڭ مەلٸمەتٸنشە, ج. ەسٸمدٸ ازامات تۇرعىن ٷيدٸڭ باسپالداق الاڭىندا تۇرىپ, كٸرەبەرٸس تەرەزەسٸنەن كٶشەگە قاراي كٸشٸ دەرەت سىندىرعان.
وقيعا ەلەۋمەتتٸك جەلٸلەردە تاراعان بەينەجازباعا تٷسٸپ, كەيٸن سوتتا قارالعان.
سوت وتىرىسىندا ەر ادام كٸنەسٸن مويىنداپ, جاساعان ەرەكەتٸنە ٶكٸنگەن. ونىڭ كٸنەسٸ ٸس ماتەريالدارى جەنە بەينەجازبا ارقىلى دەلەلدەندٸ.
سوت ج.-نى قر ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 434-بابى 1-بٶلٸگٸ بويىنشا كٸنەلٸ دەپ تانىدى. بۇل باپ ۇساق بۇزاقىلىق, ياعني قوعامدىق تەرتٸپتٸ بۇزىپ, اينالاداعىلارعا قۇرمەتسٸزدٸك تانىتاتىن ەرەكەتتەر ٷشٸن جاۋاپكەرشٸلٸكتٸ كٶزدەيدٸ.
اتالعان باپ بويىنشا 20 اەك مٶلشەرٸندە ايىپپۇل سالۋ, 20-دان 60 ساعاتقا دەيٸن قوعامدىق جۇمىستارعا تارتۋ نەمەسە 5-تەن 15 تەۋلٸككە دەيٸن ەكٸمشٸلٸك قاماققا الۋ قاراستىرىلعان.
جازا تاعايىنداۋ كەزٸندە سوت قۇقىق بۇزۋشىلىقتىڭ سيپاتىن, ازاماتتىڭ قوعامدىق تەرتٸپكە دەگەن قۇرمەتسٸزدٸگٸن جەنە وقيعانىڭ ەلەۋمەتتٸك جەلٸلەردە كەڭ تارالعانىن ەسكەرگەن.
نەتيجەسٸندە ەر ادامعا 10 تەۋلٸك ەكٸمشٸلٸك قاماق تاعايىندالدى.
سوت قاۋلىسى ەزٸرگە زاڭدى كٷشٸنە ەنگەن جوق.
