قوستانايدا 15 جاستاعى ءجاسوسپىرىمنىڭ تەمىرجولعا شىعىپ، پويىزدى شۇعىل توقتاتۋعا ءماجبۇر ەتكەن ارەكەتى سوتتا قارالىپ، جاۋاپكەرشىلىك ونىڭ اناسىنا جۇكتەلدى، دەپ حابارلايدى Dala News.
وقيعا 9 قاڭتاردا بولعان. ءبىر توپ ءجاسوسپىرىم «قىزىق ءۇشىن» قوستاناي – الماتى باعىتىمەن كەلە جاتقان پويىزدىڭ جولىنا شىققان. ماشينيست اپاتتىڭ الدىن الۋ ءۇشىن شۇعىل تەجەۋ قولدانۋعا ءماجبۇر بولدى. سوت مالىمەتىنشە، بۇل ارەكەت قوزعالىس قاۋىپسىزدىگىنە ناقتى ءقاۋىپ ءتوندىرىپ، اۋىر سالدارعا، ءتىپتى پويىزدىڭ رەلستەن شىعۋىنا دەيىن الىپ كەلۋى مۇمكىن ەدى.
ءىس بارىسىندا سوت بالانىڭ اناسى اتا-انالىق مىندەتىن ءتيىستى دەڭگەيدە ورىنداماعان دەگەن قورىتىندىعا كەلدى. ۇكىمدە ونىڭ ۇلىنا ءقاۋىپسىز ءجۇرىس-تۇرىس ەرەجەلەرىن ۇيرەتپەگەنى جانە جاۋاپكەرشىلىك پەن تارتىپكە باۋلىماعانى كورسەتىلگەن.
ناتيجەسىندە ايەلگە 43 250 تەڭگە كولەمىندە اكىمشىلىك ايىپپۇل سالىندى. ال وسى ءقاۋىپتى ارەكەتكە قاتىسقان وزگە بالالاردىڭ اتا-انالارىنا قانداي شارا قولدانىلعانى ازىرگە حابارلانعان جوق.
