CBS Newsء-تىڭ حابارلاۋىنشا، دەيزي جاساندى ينتەللەكت تۋىندىسى 14 قاراشادا ىسكە قوسىلىپ، الاياقتارمەن 1000-نان استام اڭگىمە جۇرگىزگەن.

"ەڭ ۇزاققا سوزىلعان تىلدىك بايلانىس شامامەن 40 مينۋتتى قۇرايدى. ول قاسكويلەردى ءوزىنىڭ تەحنيكالىق جاعىنان ساۋاتسىزدىعىمەن اشۋلاندىرىپ، نەمەرەلەرى تۋرالى بوس اڭگىمەلەر ايتۋمەن بولعان"، دەلىنەدى شەتەلدىك تەلەارنا حابارلاماسىندا.

دەيزي سويلەسكەندە ادام سياقتى كورىنۋى مۇمكىن، ويتكەنى وعان ەگدە ادامنىڭ مىنەز-قۇلقى كوشىرىلگەن. ول قوڭىراۋ شالعان الاياقتاردى تىڭداپ، ولاردىڭ داۋىسىن ماتىنگە اينالدىرا وتىرىپ، اۋدارۋ ارقىلى جۇمىس ىستەيدى. سودان كەيىن سوعان سايكەس جاۋاپتى تابۋ ءۇشىن ۇلكەن دەرەكقوردى قاراپ، ءماتىندى سوزگە اينالدىرادى. 

كومپانياداعىلار CBS جۋرناليستەرىنە دەيزيدى وقىتۋ ءۇشىن توپ الاياقتارمەن جۇمىس ىستەۋگە ءماجبۇر بولعاندارىن ايتىپتى.