قازاقشا سويلەيتىن اقش ازاماتى روكي جوۋنەيرس الماتىداعى مەيرامحانالاردىڭ كوبى ورىسشا قىزمەت كورسەتكەنىنە تاڭعالدى، - دەپ حابارلايدى Dalanews.kzQaz365.kz - كە سىلتەپ.
ايتۋىنشا، بىرنەشە مەيرامحاناعا جولى تۇسكەن. الايدا باسىم بولىگى تەك ورىس تىلىندە قىزمەت كورسەتكەن.
“وسى اپتادا مەن الماتىدا بولدىم. كوپ مەيرامحانا مەن كافەلەرگە باردىم. ءار جەردە، ءار مەيرامحانادا تەك قازاق تىلىندە سويلەدىم. جالپى قازاق تىلىندە سويلەيمىن. ءبىراق 18 مەيرامحانانىڭ تەك بەسەۋى عانا مەنىمەن قازاق تىلىندە سويلەدى”، - دەيدى ول.
شەتەلدىك ازامات سولاي دەي كەلە وزىنە قازاق جانە ورىس تىلىندە قىزمەت كورسەتكەن مەيرامحانالار مەن كافەلەردىڭ ءتىزىمىن كورسەتەدى.
“مەيرامحانالاردىڭ كوبىندە مەن قازاق تىلىندە سويلەسەم دە ولار ورىس تىلىندە سويلەيدى. مەنىڭ ءسوزىمدى اندا-ساندا تۇسىنبەيدى. مەن ءۇش جىل بويى قازاق ءتىلىن ۇيرەندىم. مەن قازاقستان دەگەن ەلدە بولماي، قازاق ءتىلىن ۇيرەنگەندە ەڭبەكقور بولدىم. ءبىراق الماتىدا بولعاندا ەشكىم مەنىمەن قازاق تىلىندە سويلەسپەيدى. استانادا دا سونداي”، - دەيدى ول.
