Qazaqsha sóıleıtin AQSH azamaty Rokı Joýneırs Almatydaǵy meıramhanalardyń kóbi oryssha qyzmet kórsetkenine tańǵaldy, - dep habarlaıdy Dalanews.kzQaz365.kz - ke siltep.
Aıtýynsha, birneshe meıramhanaǵa joly túsken. Alaıda basym bóligi tek orys tilinde qyzmet kórsetken.
“Osy aptada men Almatyda boldym. Kóp meıramhana men kafelerge bardym. Ár jerde, ár meıramhanada tek qazaq tilinde sóıledim. Jalpy qazaq tilinde sóıleımin. Biraq 18 meıramhananyń tek beseýi ǵana menimen qazaq tilinde sóıledi”, - deıdi ol.
Sheteldik azamat solaı deı kele ózine qazaq jáne orys tilinde qyzmet kórsetken meıramhanalar men kafelerdiń tizimin kórsetedi.
“Meıramhanalardyń kóbinde men qazaq tilinde sóılesem de olar orys tilinde sóıleıdi. Meniń sózimdi anda-sanda túsinbeıdi. Men úsh jyl boıy qazaq tilin úırendim. Men Qazaqstan degen elde bolmaı, qazaq tilin úırengende eńbekqor boldym. Biraq Almatyda bolǵanda eshkim menimen qazaq tilinde sóılespeıdi. Astanada da sondaı”, - deıdi ol.
