تبيليسي مەملەكەتتٸك ۋنيۆەرسيتەتٸنٸڭ كٷزەتشٸلەرٸمەن قاقتىعىستان كەيٸن ونداعان ستۋدەنتتەر رەكتور - اكادەميك ۆلاديمير پاپاۆانىڭ كابينەتٸنە باسىپ كٸرٸپ, ول وتستاۆكاعا كەتپەيٸنشە, نارازىلىقتارىن توقتاتپايتىنىن جەتكٸزدٸ.
بۇل وقيعا ۋنيۆەرسيتەت قىزمەتكەرٸ گەورگيي گاپرينداشۆيليدٸ وقۋ ورنىنىڭ كانتسلەرٸ قىزمەتٸنە تاعايىنداعاننان كەيٸنگٸ كٶپ كٷنگە سوزىلعان تولقۋدىڭ شارىقتاۋ شەگٸ بولدى. ستۋدەنتتەر گاپرينداشۆيليدٸ گرۋزين ارنايى قىزمەتٸنٸڭ قۇپييا اگەنتٸ دەپ ەسەپتەپ, بٸرنەشە جىلداردان بەرٸ - زاپاستاعى وفيتسەر مٸندەتٸن اتقارىپ كەلگەن دەيدٸ.
مۇنداي "ينستيتۋت" سوۆەت كەزەڭٸندە بولعان, گرۋزييا بۇل ٷردٸسكە تەك ٶتكەن جىلى عانا پارلامەنتتٸڭ شەشٸمٸمەن زاڭدى تٷردە تىيىم سالعان. سوعان قاراماستان ستۋدەنتتەر ارنايى قىزمەت بۇرىنعىسىنشا ەلدٸڭ باستى ۋنيۆەرسيتەتٸن باقىلاۋعا تىرىسادى دەيدٸ.
سەيسەنبٸگە قاراعان تٷنٸ تبيليسي مەملەكەتتٸك ۋنيۆەرسيتەتٸنٸڭ الدىندا رەكتورگە نارازىلىق بٸلدٸرۋشٸلەر مەن قارسىلار اراسىندا جاپپاي تٶبەلەس ورىن الدى. گەورگيي گاپرينداشۆيلي جاعدايدى قيىنداتپاۋ ٷشٸن كانتسلەرلٸك ورىنعا ٶزٸنٸڭ كانديداتۋراسىن الۋدى شەشكەن. الايدا رەكتور "اكادەمييالىق پروتسەستٸڭ تۇراقتىلىعىن قامتاماسىز ەتۋ ٷشٸن قاجەت دەپ, ونى وتستاۆكاعا جٸبەرۋدەن باس تارتتى. ستۋدەنتتەر بولسا, رەكتور كابينەتٸنە باسىپ كٸرگەننەن كەيٸن بٸرنەشە ساعاتتان سوڭ "رەكتور ولاردىڭ تالاپتارىن قاراۋ ٷشٸن كەزدەسەدٸ" دەگەن ۋەدەنٸ العان سوڭ بارىپ تارادى.
