Tbilisi memlekettik ýniversitetiniń kúzetshilerimen qaqtyǵystan keiin ondaǵan stýdentter rektor - akademik Vladimir Papavanyń kabinetine basyp kirip, ol otstavkaǵa ketpeiinshe, narazylyqtaryn toqtatpaitynyn jetkizdi.
Bul oqiǵa ýniversitet qyzmetkeri Georgii Gaprindashvilidi oqý ornynyń kantsleri qyzmetine taǵaiyndaǵannan keiingi kóp kúnge sozylǵan tolqýdyń sharyqtaý shegi boldy. Stýdentter Gaprindashvilidi grýzin arnaiy qyzmetiniń qupiia agenti dep eseptep, birneshe jyldardan beri - zapastaǵy ofitser mindetin atqaryp kelgen deidi.
Mundai "institýt" sovet kezeńinde bolǵan, Grýziia bul úrdiske tek ótken jyly ǵana parlamenttiń sheshimimen zańdy túrde tyiym salǵan. Soǵan qaramastan stýdentter arnaiy qyzmet burynǵysynsha eldiń basty ýniversitetin baqylaýǵa tyrysady deidi.
Seisenbige qaraǵan túni Tbilisi memlekettik ýniversitetiniń aldynda rektorge narazylyq bildirýshiler men qarsylar arasynda jappai tóbeles oryn aldy. Georgii Gaprindashvili jaǵdaidy qiyndatpaý úshin kantslerlik orynǵa óziniń kandidatýrasyn alýdy sheshken. Alaida rektor "akademiialyq protsestiń turaqtylyǵyn qamtamasyz etý úshin qajet dep, ony otstavkaǵa jiberýden bas tartty. Stýdentter bolsa, rektor kabinetine basyp kirgennen keiin birneshe saǵattan soń "rektor olardyń talaptaryn qaraý úshin kezdesedi" degen ýádeni alǵan soń baryp tarady.
