«تازا قازاقستان» جالپىۇلتتىق ەكولوگيالىق اكسياسى اياسىندا ۇلىتاۋ وبلىسىندا اۋقىمدى شارالار ۇيىمداستىرىلدى. بۇل كۇنى وبلىستىڭ بارلىق قالا، اۋداندارىندا تازالىق اكسيالارى ءوتتى، – دەپ حابارلايدى Dalanews.kz.
اۋقىمدى اكسيانىڭ باستى ماقساتى – اۋماقتاردى تازالاۋمەن قاتار، تۇرعىنداردىڭ قورشاعان ورتاعا ۇقىپتى قاراۋ قاجەتتىلىگىنە نازار اۋدارتۋ. تازالىق شارالارىنا قاتىسۋشىلاردىڭ بارلىعى جوعارى بەلسەندىلىك كورسەتتى.
«جاسىل ەل» ەڭبەك جاساقتارى دا وسى كۇنى بەلسەندىلىگىمەن ەرەكشەلەندى. ەكولوگيالىق ءىس-شارالارعا قاتىسۋشىلار اراسىندا جەرگىلىكتى بيلىك، قوعامدىق ۇيىمدار، ستۋدەنتتەر، بەلسەندىلەر جانە قاراپايىم تۇرعىندار بار. اكسياعا بارلىعى 245 ۇجىمنان 2000-نان استام ادام مەن 68 ارنايى تەحنيكا جۇمىلدىرىلدى. بارلىعى 70 توننادان استام قوقىس شىعارىلدى.
وبلىس بويىنشا بارلىعى 483 اۋلا، 24 ساياباق پەن سكۆەر، 61 تاريحي-مادەني ەسكەرتكىش اۋماعى تازارتىلىپ، 138 الەۋمەتتىك نىسان اۋماعى قامتىلدى.
جەزقازعان قالاسىندا قالا تۇرعىندارى مەن ەڭبەك ۇجىمدارى نەگىزگى كوشەلەر مەن ساياباق، سكۆەرلەردى تازارتتى. جاسىل جەلەكتەرگە كۇتىم جاسالىپ، گۇلزارلار رەتكە كەلتىرىلدى.
ال، ساتبايەۆ قالاسىنىڭ ەڭبەك ۇجىمدارى وندىرىستىك مەكەمەلەردىڭ اۋماعىن تازالاپ، سىرلاۋ، اكتەۋ جۇمىستارىن اتقاردى.
– قالامىزدا تازا بەيسەنبىلىك، سەنبىلىك وتكىزۋ ءداستۇرى بۇرىننان بار. سوندىقتان دا، «تازا قازاقستان» اكسياسى باستالعالى قالا تۇرعىندارى وعان بەلسەندى قاتىسۋدا. بۇگىن دە بارلىق ەڭبەك ۇجىمدارى، قالا حالقى باستامامىزعا قولداۋ ءبىلدىرىپ جاتىر، – دەيدى “جاستار بولاشاق” جاستار قوزعالىسىنىڭ ءتوراعاسى لۋيزا مينبايەۆا
قاراجال قالاسىنىڭ تۇرعىندارى دا ءوز اۋلالارىن تازالاپ، رۇقسات ەتىلمەگەن ورىندارعا توگىلگەن قوقىستاردى ارنايى پوليگونعا شىعاردى.
وبلىستىڭ جاڭاارقا، ۇلىتاۋ اۋداندارىندا تازالىق اكسياسى بۇلاقتار اينالاسى مەن وزەن جاعاسىندا ءوتتى. ماسەلەن، ۇلىتاۋ اۋدانىنىڭ تۇرعىندارى «كۇمىسبۇلاق»، «تاسبۇلاق» بۇلاقتارىنىڭ اينالاسىن تازارتىپ، بۇلاق باسىنا كەلۋشىلەرگە قولايلى جاعداي تۋعىزۋ ماقساتىندا اباتتاندىرۋ جۇمىستارىن جۇرگىزدى. جاڭاارقالىقتار سارىسۋ وزەنىنىڭ بويىن قوقىستان تازالاپ، جاعاجايلاردى رەتكە كەلتىردى.
سونداي-اق قالالارداعى كوپقاباتتى ۇيلەردىڭ تۇرعىندارى دا اۋلالارىن جيناپ، رەتكە كەلتىردى. تازالىق اكسياسىنا پاتەر يەلەرى كووپەراتيۆتەرى جەتەكشىلىك جاسادى.
تازالىق اكسيالارى اياسىندا وبلىستىڭ قالا مەن اۋداندارىنداعى اكىمدىكتەردىڭ جاۋاپتى ماماندارى جەرگىلىكتى اۋماقتارداعى كوشەلەردى ارالاپ سانيتارلىق تازالىقتى تەكسەردى. سانيتارلىق تازالىقتى ساقتاماعان، اباتتاندىرۋ ەرەجەسىنە سايكەس كەلمەيتىن نىسانداردىڭ يەلەرىمەن تىلدەسىپ، كەمشىلىكتەردى قىسقا مەرزىمدە تۇزەۋ قاجەتتىگىن ايتىپ، ەسكەرتۋ جاسادى.
عيماراتتار الدىن تازالاۋ، اۋماقتى اباتتاندىرۋ سياقتى جۇمىستار جۇرگىزۋ تاپسىرىلدى. سونىمەن قاتار، كوممۋنالدىق مەكەمەلەر باسشىلارىنا قالا-اۋدان كوشەلەرىن، جاياۋ جۇرگىنشى جولدارى مەن ايالداما اۋماقتارىن تازارتۋ جانە قوقىستان ارىلتۋ جونىندە ناقتى تاپسىرمالار جۇكتەلدى.
