«تازا ولكە»: ۇستازدار ەكولوگيالىق ناۋقانعا قاتىستى

جاربول كەنت ۇلى 10 ءساۋ. 2024 16:46 1756

بۇگىن – «تازا قازاقستان» ەكولوگيالىق اكسياسى اياسىندا ۇيىمداستىرىلعان «تازا ولكە» اپتالىعىنىڭ ءۇشىنشى كۇنى. بۇگىن قونايەۆ قالاسىنداعى ءبىلىم بەرۋ ۇيىمدارىنىڭ، «اتامەكەن» ۇكپ-نىڭ قىزمەتكەرلەرى، ەتنو-مادەني ورتالىقتاردىڭ مۇشەلەرى (جالپى سانى – 60-تان استام ادام) سيدرانسكيي مەن دوستىق كوشەسىن جالعايتىن اللەيانى قوقىستان تازارتتى.

ناۋقانعا قاتىسۋشىلاردىڭ ءبىرى ارداگەر ۇستاز باقىت نۇرماعانبەتوۆا بولدى.

«قونايەۆ قالاسىنىڭ تۇرعىنى رەتىندە جانە ارداگەر ۇستاز رەتىندە وقۋشىلاردى، جالپى جۇرتشىلىقتى ۇنەمى قالا تازالىعىن ساقتاۋعا، قوقىستى دالاداعى ارنايى جاشىكتەرگە تاستاۋعا شاقىرامىن. مۇنداي شارالار ءجيى ۇيىمداستىرىلىپ، حالىق اراسىندا كەڭىنەن ناسيحاتتالۋى ءتيىس. بۇگىن مەن دە ءوز ۇلەسىمدى قوسۋ ءۇشىن ارنايى كەلدىم»، – دەدى ۇستاز.

ايتا كەتەيىك، «تازا قازاقستان» ناۋقانى 5 اپتاعا جالعاسادى.

 


ۇسىنىلعان
سوڭعى جاڭالىقتار