قازاقستاندا سوڭعى جەتٸ جىلدا تەگٸن دەرٸ-دەرمەكپەن قامتاماسىز ەتٸلەتٸن ازاماتتار سانى كٷرت ارتتى, دەپ حابارلايدى dalanews.kz.
دەنساۋلىق ساقتاۋ مينيسترلٸگٸ قازٸر ەلدەگٸ ەربٸر التىنشى تۇرعىن مەملەكەت ەسەبٸنەن دەرٸ الاتىنىن مەلٸمدەدٸ. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگتە دەنساۋلىق ساقتاۋ ۆيتسە-مينيسترٸ تيمۋر مۇراتوۆ ايتتى. ونىڭ سٶزٸنشە, امبۋلاتورييالىق دەرٸ-دەرمەكپەن قامتاماسىز ەتۋ جٷيەسٸ سوڭعى جىلدارى ايتارلىقتاي كەڭەيگەن.
«2018 جىلى 1,9 ملن ادام تەگٸن دەرٸ-دەرمەكپەن قامتاماسىز ەتٸلسە, 2025 جىلعا قاراي بۇل كٶرسەتكٸش 3,4 ملن ازاماتقا جەتتٸ. ەلدٸڭ ەربٸر التىنشى تۇرعىنى مەملەكەتتەن دەرٸ-دەرمەك تٷرٸندە قولداۋ الادى. امبۋلاتورييالىق دەرٸ-دەرمەكپەن قامتاماسىز ەتۋ بيۋدجەتٸ ٷش ەسەدەن استام ٶستٸ. 2018 جىلعى 87,2 ملرد تەڭگەدەن 2026 جىلعا قاراي جوسپارلانعان 337 ملرد تەڭگە كٶرسەتكٸشٸنە شىعامىز. بۇل ٶسٸم تەك ينفلياتسييالىق پروتسەستەرگە عانا ەمەس, سونىمەن قاتار قىمبات تۇراتىن يننوۆاتسييالىق دەرٸلەردٸڭ تٸزٸمگە ەنگٸزٸلۋٸنە دە بايلانىستى», – دەدٸ تيمۋر مۇراتوۆ.
سونىمەن قاتار دەنساۋلىق ساقتاۋ مينيسترلٸگٸ ەلدەگٸ وتاندىق فارماتسەۆيكا ٷلەسٸن ارتتىرۋ جۇمىستارى كٷشەيتٸلگەنٸن مەلٸمدەدٸ.
قازٸر قازاقستاندا 31 وتاندىق ٶندٸرۋشٸمەن 83 ۇزاق مەرزٸمدٸ كەلٸسٸمشارت جۇمىس ٸستەپ تۇر.
«ٷش جىل ٸشٸندە ساتىپ الۋ كٶلەمٸ 38,1%-عا ٶستٸ, 2024 جىلعى 703 اتاۋدان 2026 جىلى 971 اتاۋعا دەيٸن جەتتٸ. 2025 جىلى وتاندىق بٸرىڭعاي ديستريبيۋتور ارقىلى ساتىپ الۋدىڭ جالپى ساتىپ الۋ كٶلەمٸندەگٸ اقشالاي ٷلەسٸ 32% قۇراسا, 2027 جىلعا قاراي بۇل كٶرسەتكٸشتٸ 34%-عا دەيٸن ارتتىرۋ كٶزدەلگەن», – دەدٸ ۆيتسە-مينيستر.
ونىڭ ايتۋىنشا, وتاندىق كومپانييالاردىڭ ٶنٸمدەرٸن لوكاليزاتسييالاۋ ٷشٸن جالپى سوماسى شامامەن 360 ملرد تەڭگەگە 7 ينۆەستيتسييالىق كەلٸسٸم جاسالعان.
بريفينگ بارىسىندا دەرٸ-دەرمەك قورى مەن لوگيستيكا مەسەلەسٸ دە كٶتەرٸلدٸ.
مينيسترلٸك مەلٸمەتٸنشە, حالىقتى دەرٸمەن ٷزدٸكسٸز قامتاماسىز ەتۋ ٷشٸن ازايمايتىن قور جاساقتالعان.
«2025 جىلى تٶمەندەتٸلمەيتٸن قور سوماسى 21 ملرد تەڭگەنٸ قۇرادى جەنە 655 دەرٸ اتاۋىن قامتيدى. 2025 جىل ٸشٸندە, تامىز جەنە قاراشا ايلارىندا ونكولوگييا, قانت ديابەتٸ, ونكوگەماتولوگييا, اعزالاردى ترانسپلانتاتسييالاۋدان كەيٸنگٸ جاعدايلار جەنە ت.ب. نوزولوگييالاردى ەمدەۋ ٷشٸن تيٸسٸنشە 8,5 ملرد جەنە 4,4 ملرد تەڭگە سوماسىنا دەرٸ قوسىمشا ساتىپ الىندى», – دەدٸ تيمۋر مۇراتوۆ.
سونداي-اق مينيسترلٸك دەرٸ ساقتاۋ ينفراقۇرىلىمىن كەڭەيتۋدٸ جوسپارلاپ وتىر. اقتٶبە, استانا, الماتى, شىمكەنت, اقتاۋ جەنە سەمەي قالالارىندا جاڭا قويمالار سالىنباق.
ۆيتسە-مينيستر دەرٸ-دەرمەك ساتىپ الۋ جٷيەسٸندە سوڭعى جىلدارى باقىلاۋ مەن اشىقتىق كٷشەيتٸلگەنٸن اتاپ ٶتتٸ.
«دەرٸلٸك زاتتاردى ساتىپ الۋ كەزٸندە لوگيستيكالىق-فۋنكتسيونالدىق باقىلاۋدىڭ 40 پارامەترٸ ەنگٸزٸلدٸ, ونىڭ 15-ٸ 2024-2026 جىلدار ارالىعىندا ەنگٸزٸلٸپ, پروتسەستەردٸڭ اشىقتىعىن ارتتىرۋعا ىقپال ەتتٸ», – دەدٸ ول.
ايتا كەتەيٸك, بۇعان دەيٸن ٷكٸمەتتە ٶتكەن كەڭەستە پرەمەر-مينيستر ولجاس بەكتەنوۆ تە وتاندىق فارماتسەۆتيكالىق ٶندٸرٸستٸ كٷشەيتۋ مەسەلەسٸن كٶتەرگەن ەدٸ. ٷكٸمەت دەرەگٸنە سەيكەس, بٷگٸندە ەلدە 209 وتاندىق ٶندٸرۋشٸ تٸركەلگەن. ونىڭ 43-ٸ دەرٸ-دەرمەك شىعارسا, 166-سى مەديتسينالىق بۇيىم ٶندٸرەدٸ.
