تايلاند پەن كامبودجا شەكارالىق قاقتىعىس ايماعىندا اتىستى توقتاتۋ تۋرالى كەلٸسٸمگە قول قويدى. بۇل تۋرالى Thai PBC جازدى, دەپ حابارلايدى Dalanews.kz
مەلٸمەتكە سەيكەس, ٷش كٷنگە سوزىلعان كٷردەلٸ كەلٸسسٶزدەر چانتابۋري پروۆينتسيياسىنداعى پونگ نام رون اۋدانىندا ورنالاسقان بان پاككاد كٶشٸ-قون كەڭسەسٸندە ٶتتٸ. نەتيجەسٸندە ەكٸ ەلدٸڭ باس شەكارالىق كوميتەتتەرٸ العاشقى اتىستى توقتاتۋ رەجيمٸنٸڭ شارتتارىن كەلٸسٸپ, ول 27 جەلتوقساندا جەرگٸلٸكتٸ ۋاقىتپەن ساعات 12:00-دە (استانا ۋاقىتىمەن 10:00-دە) كٷشٸنە ەندٸ. سونداي-اق تايلاند كامبودجييالىق 18 ەسكەري تۇتقىندى بوساتۋعا مٸندەتتەمە الدى.
تايلاند تاراپىنىڭ دەرەككٶزٸ العاشقى بٸتٸم 72 ساعات بويى باقىلاۋدا بولاتىنىن, ال كەيٸنگٸ كەز كەلگەن كەلٸسٸمدٸ ەلدٸڭ ۇلتتىق قاۋٸپسٸزدٸك كەڭەسٸ ماقۇلداۋى تيٸس ەكەنٸن مەلٸمدەدٸ.
كەلٸسسٶزدەر بارىسىندا تاراپتار ٷشٸن قولايلى شارتتاردى پىسىقتاۋ وڭاي بولماعانى ايتىلدى. سوعان قاراماستان, جوعارى تاتۋلاسۋ كەڭەسٸ حاتشىلىعىنىڭ وتىرىسى التىنشى كەلٸسٸم جوباسىنا قول قويۋمەن اياقتالدى.
ەسكە سالساق, 8 جەلتوقساندا كامبودجا ەسكەرٸ تايلىق انۋپونگ بازاسىنا وق اتقان. بۇعان جاۋاپ رەتٸندە تايلاند بيلٸگٸ شەكارا ماڭىنداعى تۇرعىنداردى قاۋٸپسٸز جەرلەرگە كٶشٸرۋگە شاقىرعان. كەيٸن قاقتىعىس ەكٸ ەلدٸڭ ورتاق شەكاراسى بويىمەن ٶرشٸپ, بەس ٶڭٸردٸ قامتىپ, جٷزدەگەن بەيبٸت تۇرعىنعا ەسەر ەتتٸ.
