يا، راس «نۇروتان» بيلىك پارتياسى. قانشاما جىل تاقتان تۇسپەي كەلەدى.
اينالاداعىنىڭ ءبارى سونىڭ قولىمەن جاسالعان، جاقسىسى دا، جامانى دا. جاسالعان نارسەنىڭ ءبارى حالىقتىڭ اقشاسىنا جاسالدى، ويتكەنى باسقا قارجى كوزى جوق قوي:
اناۋ ەسەنتاي جاعالاۋى، ساياباقتار، جولدار، ارىقتار، اشارشىلىق ەسكەرتكىشى جانە تاعى باسقاسى. ءبىزدىڭ اقشامىز بولعان سوڭ، جالاقى تولەپ وتىرعان سوڭ سىزدەر مۇنى ىستەۋگە مىندەتتى بولدىڭىزدار، نۇروتاندىقتار.
ەندى كەمشىلىكتەرگە توقتالالىق.
1. ءبىزدىڭ بالالارىمىز بەن نەمەرەلەرىمىزدىڭ موينىنا قامىت بوپ كيىلگەن ەلدىڭ ۇلكەن سىرتقى قارىزى بار.
2. ناقتىسىندا ادامداردىڭ قاجەتتىلىگىنە كەرەك ميللياردتاردى قۇنى ۋداي ءارى تۇككە كەرەگى جوق ەكسپو جانە LRT سىندى قىمبات جوبالارعا شاشتىڭىز.
3. وڭىرلەردەگى مەكتەپتەردە، اۋرۋحانالاردا، اقىرى دارەتحانا سۋ جوق. اۋىز سۋ ماسەلەسى ءالى شەشىلمەگەن.
4. تەمىر جول، ءبىلىم بەرۋ سالاسى، دەنساۋلىق ساقتاۋ سالاسى، ىشكى ىستەر مينيسترلىگى، اسكەر، زەينەتاقى جۇيەسى، بانك قىزمەتى، مەملەكەتتىك قارجى سىندى بارلىق سالانى قۇلدىراپ، قۇردىمعا كەتتى.
5. جاستاردىڭ جاپپاي جۇمىسسىزدىعى، بىلىمدىلەرى شەتەلگە كەتىپ جاتىر.
6. ءبىزدىڭ اقشامىزدى جەۋدەن ءبىر تالمايتىن ۇلكەن ءارى اشكوز كۆازيمەملەكەتتىك سەكتور. وندا نۇروتاندىقتاردىڭ بالالارى مەن نەمەرەلەرى جۇمىس ىستەيدى.
7. الەمدەگى جەر اۋماعى بويىنشا 9-شى ورىندى يەمدەنەتىن قازاقستاندا بوس جەر جوق. اۋىلشارۋاشىلىعى ءۇشىن. ادامدار جۇمىس ىستەيىن دەسە جەر تاپپايدى. ويتكەنى ونىڭ ءبارى نۇروتاندىق لاتيفۋنديستەردىڭ قولىندا.
8. ءسىز كوپبالالى انالاردان اقشانى ايايسىز، كەشكە دەيىن «بەر-بەر» دەپ مازاڭىزدى الادى ەكەن عوي. ءبىراق جىل سايىن ءوز بانكتەرىڭىزگە ميلليارد دوللاردان اقشا بولگەندە ايانبايسىز. ءبىراق ولارعا «بار، سيىر ساۋىپ، كۇنىڭدى كور» دەپ ايتپايسىز. ايتقانداي، ونىڭ قوجايىندارى دا نۇروتاندىقتار ەكەن عوي...
9. ءسىز ءوزىڭىز قۇرمەت تۇتاتىن نۇروتاندىقتاردىڭ بالالارىن اكىم، مينيستر ەتە باستاعانسىز. سىزگە وتە ادال ءارى تامىرى تەرەڭگە جاياتىن نۇروتاندىقتار قاجەت قوي.
قاراپ تۇرساڭىز، قۇددى ءبىزدىڭ ەلىمىز نۇروتان مەن نۇروتاندىقتاردىكى عانا سەكىلدى! ال نۇروتاندىق ەمەس حالىقتى قايدا قوياسىز؟
بىزگە وسى استا-توك ءومىردى تاماشالاپ، سونى قاناعات تۇتىپ، سيىر ساۋۋدى بۇيىراسىز با؟
جوق، كەشىرىڭىز، بۇل ءبىزدىڭ دە ەلىمىز، كەيىنگە ىسىرىلا تۇرىڭىز!
بارلىق جەردە ءسىزدىڭ نۇروتاندىقتار، بارلىق جەردە ساياسي مونوپوليا، استانانى الىڭىز، جەرگىلىكتى اكىمدىكتەردى الىڭىز، ماجىلىستە تە، ءماسليحاتتا دا. ەلدى قازىرگى مۇشكىل كۇيگە تۇسىرگەن سولار.
ال ءبىز ونى وزگەرتەمىز، مۇنى ءسىز قالاساڭىز دا، قالاماساڭىز دا.
