قازاقستاننىڭ تاۋلى ٶڭٸرلەرٸندە قار كٶشكٸنٸ قاۋپٸ ساقتالىپ وتىر, دەپ حابارلايدى Dala news.
تٶتەنشە جاعدايلاردىڭ الدىن الۋ ماقساتىندا تجم-نٸڭ «قازسەلدەنقورعاۋ» مەكەمەسٸنٸڭ ماماندارى ەلدٸڭ تاۋلى ايماقتارىنداعى كٶشكٸن قاۋپٸ بار ۋچاسكەلەردٸ تۇراقتى تٷردە باقىلاپ, تەكسەرۋ جۇمىستارىن جٷرگٸزٸپ جاتىر.
2025 جىلدىڭ قاراشا ايىنان باستالعان كٶشكٸن قاۋپٸ كەزەڭٸنەن بەرٸ رەسپۋبليكا بويىنشا 331 جەرٷستٸ تەكسەرۋ جٷرگٸزٸلٸپ, قار كٶشكٸنٸ جٷرۋٸ مٷمكٸن ورىندارعا 110 ەسكەرتۋ بەلگٸسٸ ورناتىلدى. حالىقتى اقپاراتتاندىرۋ ٷشٸن 1275 ەسكەرتۋ حابارلاماسى جەنە 6103 اقپاراتتىق بروشيۋرا تاراتىلعان.
2025–2026 جىلدارداعى كٶشكٸن قاۋپٸ كەزەڭٸ باستالعالى الماتى قالاسى, الماتى جەنە جامبىل وبلىستارىندا 61 ٶزدٸگٸنەن قار كٶشكٸنٸ تٷسكەنٸ تٸركەلگەن.
قاۋٸپسٸزدٸكتٸ قامتاماسىز ەتۋ ماقساتىندا الماتى قالاسى, الماتى جەنە شىعىس قازاقستان وبلىستارىندا 79 پروفيلاكتيكالىق قار كٶشكٸنٸ تٷسٸرۋ جۇمىسى جٷرگٸزٸلدٸ.
قازٸرگٸ ۋاقىتتا ەلدٸڭ وڭتٷستٸگٸ مەن وڭتٷستٸك-شىعىسىنداعى تاۋلى ايماقتاردا, سونداي-اق شىعىس قازاقستان وبلىسىنىڭ تاۋلارىندا كٶشكٸن قاۋپٸ ساقتالىپ وتىر. الماتى وبلىسى مەن جەتٸسۋ وبلىسىنىڭ تاۋلارىندا قار جامىلعىسىنىڭ قالىڭدىعى كەي جەرلەردە 1,4 مەترگە دەيٸن جەتٸپ, بۇل قالىپتى كٶرسەتكٸشتەن ەكٸ ەسە جوعارى.
«قازگيدرومەت» بولجامىنا سەيكەس, 6–8 ناۋرىز كٷندەرٸ الماتى, تٷركٸستان جەنە شىعىس قازاقستان وبلىستارىنىڭ تاۋلى ايماقتارىندا قار مەن بوران تٷرٸندەگٸ قاتتى جاۋىن-شاشىن كٷتٸلەدٸ. قار جامىلعىسىنىڭ تۇراقسىز بولۋىنا بايلانىستى ٶزدٸگٸنەن قار كٶشكٸنٸ تٷسۋ قاۋپٸ جوعارى.
تجم ازاماتتاردى داۋىلدى ەسكەرتۋ جارييالانعان كەزدە تاۋلى ايماقتارعا بارۋدان باس تارتۋعا, سونداي-اق قار باسقان تٸك بەتكەيلەرگە شىقپاۋعا شاقىرادى. بۇل قار كٶشكٸنٸنە سەبەپ بولۋى مٷمكٸن.
