تۇركىستان وبلىسى ءبىلىم جانە عىلىم قىزمەتكەرلەرى كاسىپوداعىنىڭ ورداباسى اۋداندىق كوميتەتى اۋداندىق مادەنيەت ۇيىندە تاۋەلسىزدىك مەرەكەسىن جوعارى دەڭگەيدە اتاپ ءوتتى.

مەرەكەلىك شاراعا قاتىسۋشىلار ورداباسى اۋدان اكىمىنىڭ ورىنباسارى ا.س. تىلەۋبەردييەۆ، تۇركىستان وبلىستىق كاسىپوداق كوميتەتىنىڭ مامانى ج.ا.قورعانبايەۆ، ورداباسى اۋداندىق ءماسليحاتتىڭ اپپارات جەتەكشىسى ك.ساتقانبايەۆ، اۋداندىق ءبىلىم ءبولىمى باسشىسىنىڭ مىندەتىن اتقارۋشى م.ت.سارسەنبەكوۆ، اۋداندىق كاسىپوداق كوميتەتىنىڭ ءتوراعاسى ءا.ش.سادىرمەك جۇرتشىلىقتى قۇتتىقتاپ، وزات جۇمىسكەرلەر، مەرەيتوي يەلەرى، وبلىستىق «تابىستى مەنەدجەر – 2018» بايقاۋىنىڭ جۇلدەگەرلەرى مەن كاسىپوداق بەلسەندىلەرى كوتەرمەلەنىپ، ولارعا قۇرمەي كورسەتىلدى.

سونداي-اق، «مەنىڭ ەلىم!» شىعارماشىل ۇستازدار بايقاۋىنىڭ جەڭىمپازدارىنا دا ديپلومدار مەن سىياقىلار تابىس ەتىلدى. شىعارماشىل پەداگوگتاردىڭ ونەرىن دارىپتەپ، جۇرتشىلىق الدىندا ناسيحاتتاۋ ءۇشىن مەرەكەدە ولاردىڭ اۆتورلىق شىعارمالارى ورىندالدى.

سونىمەن قاتار وبلىستىق ءماسليحات دەپۋتاتتارى ءا.ب.يسابايەۆ، ۋ.ۋ.راحييەۆ، اۋداندىق ءماسليحات دەپۋتاتى ب.ت.تاعايەۆ جانە جەكە كاسىپكەر ن.بەكەيەۆا مەرەكەلىك قۇتتىقتاۋ رەتىندە 450 كاسىپوداق مۇشەسى مەن ونەر كورسەتكەن جانە سىي–سياپاتتى ۇسىنعان 50 بالا مەن ولاردىڭ جەتەكشىلەرىنە 500 دانا «قازاقستان» شوكالادىن سىيلادى. مەرەكە بارىسىندا كاسىپوداق مۇشەلەرى «بولاشاق ۇرپاق» جەكەمەنشىك بوبەكجاي بالاباقشاسىنىڭ جانە وبلىسىمىزعا بەلگىلى ونەر يەلەرى مەن بيشىلەر توبىنىڭ ونەرلەرىن تاماشالاپ، كوتەرىڭكى كوڭىل كۇيمەن تارقاستى.