16 جەلتوقسان تاۋەلسىزدىك كۇنى شىعىس قازاقستان وبلىسىنىڭ وسكەمەندەگى انا مەن بالا ورتالىعىندا، سەمەيدىڭ پەريناتالدى ورتالعىندا جانە اياگوز، زايسان، التايدا جانە كوكپەكتى مەن بورودۋليحين اۋدانىندا 50 ءسابي دۇنيەگە كەلدى، – دەپ حابارلايدى Dalanews.kz.

– بالامىزدىڭ تاۋەلسىزدىك كۇنى دۇنيە ەسىگىن اشقانىنا وتە قۋانىشتىمىن. ءبىزدىڭ وتباسىمىز ءۇشىن تاۋەلسىزدىك كۇنىنىڭ ورىنى قاشاندا ەرەكشە-تۇعىن. ەندى بۇل كۇن ءسابيىمىزدىڭ تۋعان كۇنىمەن ۇشتاسىپ، بۇل كۇننىڭ ءقادىرى ارتا ءتۇستى دەسەم بولادى. الداعى ۋاقىتتا ءبىزدىڭ وتباسىمىز قوس قۋانىشتى قاتار تويلايتىن بولادى. بۇگىن دۇنيەگە كەلگەن سابيلەر ەرجەتىپ، قازاقستاننىڭ دامۋىنا ءوز ۇلەسسىن قوسسىن دەپ تىلەك ارنايمىن، – دەپ ءسابيلى بولعان انا قۋانىشىمەن ءبولىستى.

سوڭعى شىلدارى شقو-دا بالا مەن انانىڭ دەنساۋلىعىن نىعايتۋ ىسىنە باسا كوڭىل بولىنۋدە. جىل وتكەن سايىن ءوڭىردى تۋۋ كورسەتكىشى ارتىپ كەلەدى. جىل باسىنان بەرى شىعىس قازاقستان وبلىسىندا 22 000 ءسابي دۇنيە ەسىگىن اشقان بولاتىن. دارىگەرلەر جىل اياعىنا دەيىن ومىرگە كەلەتىن بالالاردىڭ سانى 22 800-گە جەتىپ قالاتىنىن العا تارتتى.