Táýelsizdik kúni ShQO-da 50 sábi dúniege keldi
16 jeltoqsan Táýelsizdik kúni Shyǵys Qazaqstan oblysynyń Óskemendegi Ana men bala ortalyǵynda, Semeidiń perinataldi ortalǵynda jáne Aiagóz, Zaisan, Altaida jáne Kókpekti men Borodýlihin aýdanynda 50 sábi dúniege keldi, – dep habarlaidy Dalanews.kz.
– Balamyzdyń Táýelsizdik kúni dúnie esigin ashqanyna óte qýanyshtymyn. Bizdiń otbasymyz úshin Táýelsizdik kúniniń oryny qashanda erekshe-tuǵyn. Endi bul kún sábiimizdiń týǵan kúnimen ushtasyp, bul kúnniń qadiri arta tústi desem bolady. Aldaǵy ýaqytta bizdiń otbasymyz qos qýanyshty qatar toilaityn bolady. Búgin dúniege kelgen sábiler erjetip, Qazaqstannyń damýyna óz úlessin qossyn dep tilek arnaimyn, – dep sábili bolǵan ana qýanyshymen bólisti.
Sońǵy shyldary ShQO-da bala men ananyń densaýlyǵyn nyǵaitý isine basa kóńil bólinýde. Jyl ótken saiyn óńirdi týý kórsetkishi artyp keledi. Jyl basynan beri Shyǵys Qazaqstan oblysynda 22 000 sábi dúnie esigin ashqan bolatyn. Dárigerler jyl aiaǵyna deiin ómirge keletin balalardyń sany 22 800-ge jetip qalatynyn alǵa tartty.
