بەلسەندى ۇزاق ءومىر ءسۇرۋ ورتالىقتارىندا دەنساۋلىقتى ساقتاۋمەن جانە زەينەتكەرلەر ءۇشىن بوس ۋاقىتتى ءتيىمدى وتكىزۋمەن كاسىبي تۇردە اينالىسادى. مۇندا سەگىز مامانداندىرىلعان كابينەت، اتاپ ايتقاندا ەڭبەك تەراپياسى، ەمدىك-ساۋىقتىرۋ دەنە شىنىقتىرۋ كابينەتتەرى بار. سونداي-اق، دەمالىس بولمەسى، ماسساج بولمەسى، اكت زالى دا قاراستىرىلعان.
– بەلسەندى ۇزاق ءومىر ءسۇرۋ ورتالىعىندا اعىمداعى جوندەۋ جۇمىستارى جۇرگىزىلىپ، كابينەتتەر جيھازبەن، مامانداندىرىلعان جابدىقپەن جابدىقتالدى. ساپالى قىزمەت كورسەتۋ ءۇشىن قوسىمشا جۇمىس ورىندارى قۇرىلاتىن بولادى. ورتالىقتىڭ كەلۋشىلەرى ءۇشىن كۇنىنە ەكى رەت تاماقتانۋ ۇيىمداستىرىلادى. جىلىنا بەلسەندى ۇزاق ءومىر ءسۇرۋ ورتالىعى 90-عا جۋىق ادامدى قابىلداي الادى، – دەپ حابارلادى شەمونايحا اۋدانى پيەۆرومايسكيي كەنتىنىڭ اكىمدىگىندە.
ورتالىقتىڭ سالتاناتتى اشىلۋى بارىسىندا جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى الميرا مۋسينوۆا ءسوز سويلەدى. ول مەملەكەتتىك ساياساتتىڭ باسىم باعىتتارىنىڭ ءبىرى ارداگەرلەر مەن زەينەتكەرلەرگە قامقورلىق جاساۋ، ولاردىڭ ءومىر ءسۇرۋ ساپاسىن جاقسارتۋ، شىعارماشىلىق الەۋەتتى ىسكە اسىرۋ ءۇشىن جاعداي جاساۋ، قوعامدى بەلسەندى ومىرگە تارتۋ بولىپ تابىلاتىنىن اتاپ ءوتتى.
سونداي-اق، "ەرتىس كونسەرت" ءسوليسى، ءشامشى قالداياقوۆ اتىنداعى حالىقارالىق “مەنىڭ قازاقستانىم” اتتى فەستيۆالىنىڭ لاۋرەاتى، مادەنيەت سالاسىنىڭ ۇزدىگى، 2020 جىلى ەلباسىنىڭ" حالىق العىسى "مەدالىن العان نۇرگۇل قابدوللايەۆانىڭ، سونداي-اق شقو اكىمى سيمفونيالىق وركەسترىنىڭ جانە وبلىستىق مەملەكەتتىك فيلارمونيانىڭ قازاق حالىق اسپاپتارى وركەسترىنىڭ ءسوليسى،" ق ر ونەر قايراتكەرى وردەنىنىڭ جانە مادەنيەت قايراتكەرى بەلگىسىنىڭ يەگەرى الميرا نۇرعوجينانىڭ قاتىسۋىمەن كونسەرت ءوتتى.
2022 جىلدىڭ باسىنان باستاپ بەلسەندى ۇزاق ءومىر ءسۇرۋ ورتالىعى قارت ادامدارعا كومەك كورسەتۋ، ولاردىڭ دەنساۋلىعىن قولداۋ، ولاردى قوعامدىق ومىرگە تارتۋ بويىنشا ءوز جۇمىسىن باستايدى. زەينەتكەرلەر ءۇشىن الەۋمەتتىك-مادەني بوس ۋاقىت جانە وقىتۋ، ساۋىقتىرۋ ءىس-شارالارى، كوركەمونەرپازدار ۇيىرمەلەرى ۇيىمداستىرىلادى.
