– Belsendi uzaq ómir súrý ortalyǵynda aǵymdaǵy jóndeý jumystary júrgizilip, kabinetter jihazben, mamandandyrylǵan jabdyqpen jabdyqtaldy. Sapaly qyzmet kórsetý úshin qosymsha jumys oryndary qurylatyn bolady. Ortalyqtyń kelýshileri úshin kúnine eki ret tamaqtaný uiymdastyrylady. Jylyna belsendi uzaq ómir súrý ortalyǵy 90-ǵa jýyq adamdy qabyldai alady, – dep habarlady Shemonaiha aýdany Pevromaiskii kentiniń ákimdiginde.
Ortalyqtyń saltanatty ashylýy barysynda jumyspen qamtýdy úilestirý jáne áleýmettik baǵdarlamalar basqarmasynyń basshysy Almira Mýsinova sóz sóiledi. Ol memlekettik saiasattyń basym baǵyttarynyń biri ardagerler men zeinetkerlerge qamqorlyq jasaý, olardyń ómir súrý sapasyn jaqsartý, shyǵarmashylyq áleýetti iske asyrý úshin jaǵdai jasaý, qoǵamdy belsendi ómirge tartý bolyp tabylatynyn atap ótti.
2022 jyldyń basynan bastap belsendi uzaq ómir súrý ortalyǵy qart adamdarǵa kómek kórsetý, olardyń densaýlyǵyn qoldaý, olardy qoǵamdyq ómirge tartý boiynsha óz jumysyn bastaidy. Zeinetkerler úshin áleýmettik-mádeni bos ýaqyt jáne oqytý, saýyqtyrý is-sharalary, kórkemónerpazdar úiirmeleri uiymdastyrylady.
