تاياۋدا شىعىس قازاقستان وبلىسى مادەنيەت باسقارماسى 1991-2021 جىلدار ارالىعىندا وڭىردەگى مادەنيەت سالاسىن وركەندەتۋگە مەملەكەت قازىناسىنان 110 ملرد تەڭگە جۇمسالعانىن العا تارتتى. قوماقتى قارجى وڭىردەگى مادەنيەت جانە ونەر مەكەمەلەرىنىڭ سانىن ارتتىرىپ، جۇمىسىن جانداندىۋعا باعىتالعان.
وسى ۋاقىت ارالىعىندا مادەنيەت سالاسىنا قاتىسى بار 630 ۇيىم پايدا بولىپ، وڭىردە كىتاپحانا، كلۋبتىق ۇيىمدار، مۇراجايلار، دوستىق ۇيلەرى، كينوتەاترلار، كونسەرت زالدارى مەن مادەني ساياباقتار پايدا بولعانىن ايتا كەتۋىمىز كەرەك.
ال سوڭعى ونداعىن جىلدىڭ ىشىندە وبلىس اۋماعىندا 170 مادەني نىسانعا كۇردەلى جوندەۋ جۇمىستارى جۇرگىزىلىپ، حالىقتىڭ پايدالانۋىنا بەرىلىگەن.
وسى رەتتە تاۋەلسىزدىك جىلدارى شقو ارحەولوگتارى ۇزىن سانى 26 مىڭىنان اساتىن قۇندى جادىگەرلەردى جەر استىنان قازىپ العانىن ايتا كەتۋىمىز كەرەك. وسىلايشا ارحەولوگ ماماندار قازاقتىڭ تامىرى كونە زاماندارمەن ۇشتاسىپ جاتقانىن دالەلدەپ بەردى.
ەلىمىزدىڭ تاۋەلسىزدىگىنىڭ 30 جىلدىعىندا «رۋحاني جاڭعىرۋ» باعدارلاماسىن ىسكە اسىرۋ اياسىندا شقو اكىمدىگى قازاقستاننىڭ ەجەلگى كوشپەندىلەرىنە ارنالعان كەمبريدجدەگى فيسۋيليام مۋزەيىندە «ۇلى دالا التىنى» كورمەسىن ۇيىمداستىرۋ ەلىمىز ءۇشىن ايتۋلى وقيعا بولعانى انىق.
سول كەزدە شەتەلدىك باسىلامدار «لوندون تورىندە ۇيىمداستىرىلعان كورمە الەم جۇرتشىلىعىنىڭ ورتالىق ازيا كوشپەندىلەرى تۋرالى ويىن وزگەرتتى» دەپ جازعان بولاتىن.
كورمە ەكسپوزيسياسىندا شىعىس قازاقستان ارحەولوگتارىنىڭ تاريحي بۇيىمدارى ۇسىنىلىپ، قازاق وركەنيەتىنىڭ قانشالىق باي ەكەنى كورسەتتى.
ەكسپوزيسيا كوشپەندىلەردىڭ ەرجۇرەك جاۋىنگەر، سۇلۋلىق پەن تاريحتى جاساۋشىلار بولعانىن پاش ەتكەنى انىق. سونىمەن قاتار، ءار ەكسپونات تابىلعان جەردىڭ جەكە فوتوسۋرەتىمەن سۇيەمەلدەنگەن.
ءوز كەزەگىندە شقو اكىمى دانيال احمەتوۆ كورمە قوناقتارىن قارسى الىپ، وقيعانىڭ قازاقستان مەن ۇلىبريتانيا قارىم-قاتىناستارى ءۇشىن ماڭىزدى ەكەنىن اتاپ ءوتىپ، ەكسپوزيسيانىڭ كوپشىلىكتى بىرەگەي ارتەفاكتىلەرمەن تانىستىرىپ، قازاقستان مەن بىرىككەن كورولدىك اراسىنداعى مادەني جانە تاريحي مۇراسى بار ەلدەر اراسىنداعى مۋلتيمادەني الماسۋ تىزبەگىنىڭ ءبىر بۋىنىنا اينالاتىنىنا تىلەك بىلدىرگەن بولاتىن.
